Se a Noiteboa foi o temporal de auga o que inundou a comarca, esta saída de ano o protagonista está sendo o vento. Poucas veces chegamos á cifras que vimos nesta xornada do 31 de decembro de 2021.

A estación da Gándara, en Vimianzo, rexistrou o refacho máximo de toda Galicia esta mañá de 31 ás 11:10h: 171,6 km/h (pola noite, contra as 23:00h xa rexistrara o tope galego con 135.5 km/h).
No segundo chanzo do poido atopamos a estación de Lira (Carnota, cun refacho de 152.4 km/h rexistrado ás 15:40h.
En canto a auga, e como vén sendo habitual, a estación de Fontecada (Santa Comba) rexistrou os máximos de onte e hoxe, chegando a recibir 41,6 l/m2.

Múltiples incidencias rexistráronse durante a xornada:

• Árbores sobre as estradas como a nacional a altura de Berdeogas;
• En Vimianzo, pasadas as 15 horas, os Bombeiros de Cee tiveron que retirar parte do tellado dunha nave do polígono do municipio. Un Bombeiro sufríu un accidente durante a operación e se mancou a cara necesitando asistencia sanitaria.
• Zonas como Caldebarcos, Panchés ou Quilmas sen luz durante toda a tarde sabatina pola caída de tendidos eléctricos… Segundo o alcalde, "os responsables están buscando a avaría, e teño esperanza de que a atopen e restablezan o servizo o máis pronto posible".

Afortunadamente, e segundo Meteogalicia, na madrugada de Aninovo esta primeira fronte terá abandonado Galicia pero chegarán liñas de inestabilidade que seguirán deixando chuvias intensas.

Ollo por Berdeogas... Os refachoa de vento están traendo consecuencias.@ConcelloDumbria pic.twitter.com/bT9BS8QkCt

— Quepasanacosta (@quepasanacosta) December 31, 2022

Novas relacionadas

• 24-12-2022: O temporal derrruba parte da igrexa de San Pedro de Muros.