Reunión En Marea co comité de Ferroatlantica-Foto-Rafa Quintáns

Despois da axitada mañá ás portas de Ferroatlántica, co gallo da concentración da CIG en apoio ao traballador despedido por un comentario nas rrss, o Comité achegábase ao Salón de Plenos do Concello de Cee para recibir a visita do grupo parlamentario de En Marea.

O voceiro Luís Villares, acompañado polo vicevoceiro no Parlamento, Antón Sánchez, e o deputado Francisco Casal, mantiveron unha xuntanza coa equipa de traballadores da empresa en Cee que trasladaron a súa preocupación pola paralización da actividade en dous fornos que xa deixou a máis de 60 persoas na casa sen traballo.

Para Villares falamos dunha empresa “viable polo que non se entende a negativa da empresa a informar sobre o seu futuro.

Varios membros do Comite de Ferroatlantica-Foto-Rafa Quintáns

Unha cuestión europea… e galega

Por un lado Villares recoñecía que a regulación do sector electrointensivo é “unha cuestión que está pendente en todo o Estado e que é precisa para evitar a competencia desleal non só a nivel de España senón de toda a Unión Europea”.

Pero tamén destaca que “a Xunta de Galicia ten que facer cumprir a concesión das eléctricas vinculadas ao futuro industrial da comarca, algo que non está a suceder”. “No caso de que a paralización dos dous fornos se fixera indefinida faría inviable a factoría de Ferroatlántica en Cee o que supón un incumprimento da concesión” asegurou Villares.

Por ultimo, lamentou a perda de traballadores. “Aínda que non exista un ERE formulado legalmente existe xa que se está a realizar mediante rotacións de persoal e non cobertura de baixas” concluíu o voceiro de En Marea.

Máis novas do conflito #Ferroatlántica

• Xaneiro 19: A CIG mobilízase pola readmisión do traballador despedido por un comentario nas rrss.
• Xaneiro 19: O Concello de Cee compromete o seu apoio cos traballadores de Ferroatlántica:
• Xaneiro 19: O berro dos traballadores de Ferroatlántica tamén se escoitou na Coruña.
• Xaneiro 19: “O PSOE fai unha boa declaración de intencións a 6 meses vista pero en 15 días algún pode estar xa na rúa”.
• Xaneiro 19: O BNG leva a pleno o peche dos fornos de Ferroatlántica.
• Xaneiro 19: En Marea critica o peche dos fornos dunha eternamente subvencionada Ferroatlántica.
• Xaneiro 19: “Fornos apagados, todos parados”.
• Xaneiro 19: A parálise de dous fornos e a retirada de materias primas, avisos previos do ERE de Ferroatlántica.
• Decembro 18: A CIG salta ante o posible ERE temporal nas fábricas de Ferroatlántica.
• Decembro 18: Ferroatlántica despide un traballador que foi delegado sindical da CIG por un comentario nunha rede social.
• Outubro 18: A CIG reclama a anulación da votación na que se aprobou o Acordo Marco en Ferroatlántica.
• Xuño 18: O Comité de Ferroatlántica non saiu con boas sensacións da reunión coa Dirección.
• Maio 18: O Comité queima o Acordo Marco de Ferroatlántica.
• Decembro 17: Os traballadores de Ferroatlántica volven concentrarse contra o chamado “Acordo Marco”.
• Decembro 17: Augas de Galicia confirma que as centrais e a fábrica de Brens son inseparables.
• Novembro 17: “A gran mentira” do Plan Industrial de Ferroatlántica:
• 16-05-17: Preocupación no Comité de Ferroatlántica trala falta de compromiso do Conselleiro de Industria.
• 16-02-17: O Parlamento galego esixe por unanimidade que non se autorice a venda de Ferroatlántica
• 03-11-16: A Xunta descarta un ERE en Ferroatlántica
• 11-10-16: O Comité de Ferroatlántica esixe a non segregación das actividades produtivas