En Marea vincula a autorización da planta de residuos da Furoca coa moción de censura

Costa da Morte cine viejo

07:20 06/11/17

En Marea coa Plataforma en Defensa da Terra de Coristanco

Parece que as máquinas xa andan pola polémica planta de residuos industriais da Furoca, en San Paio, Coristanco. A pesar do rexeitamento social e de que non conta cos permisos ambientais, a Consellería de Medio Ambiente vén de aprobar o visto bo á Declaración de Impacto Ambiental para a súa instalación.

Unha decisión que volveu a provocar a visita de En Marea a Coristanco, onde o vicevoceiro Antón Sánchez, denunciou a relación entre esta autorización e a polémica moción de censura executada o pasado mes de agosto no municipio, que deixou de alcalde a un ex edil socialista gracias aos intereses do PP. “Unha vergoñenta moción que saiu adiante co apoio do PP e cuxo cerebro foi o actual alcalde accidental, Antonio Pensado Plágaro, que está sendo investigado polo Xulgado n.1 de Carballo por delitos de malversación de fondos, prevaricación e abuso de influencias, precisamente polo seo posible trato de favor cando estaba na alcaldía á empresa Gesmaga, promotora da planta”, recordan.

Sánchez reuniouse con membros da Plataforma en Defensa da Terra de Coristanco, cos que se comprometeu a levar adiante as accións políticas precisas “para evitar que os intereses empresariaais e os comportamentos corruptos se antepoñan ao interese xeral”.