Máis do 90% do alumnado non asistiu ás probas da reválida de 3º de Primaria

Costa da Morte FSF

08:15 31/05/17

Onte, día no comezaron as reválidas de 3º de primaria no curso académico 2016-2017, máis do 90% dos alumnado dos centros públicos galegos dentro do ámbito pertentence á confederación de Anpas Galegas non asistiu ás probas da reválida. Así o decidiron as nais e pais dos alumnos afectados. As probas continúan hoxe. A confederación valora positivamente estes resultados do 1º día das probas; tanto no que representan o compromiso das familias dos colexios públicos e no que significan de claridade á hora de valorar cal debe ser a resposta da sociedade á aplicación dunha lei reixatada pública e pacificamente en varias ocasións. Así foron as cifras de asistencia ás reválidas nos centros costeiros:

CEIP Luís Romero de Carballo: 0 asistentes de 11 alumnos.
CEIO de Cabana: 0 de 13.
CEIP Cristina de Carballo: 0 de 24.
CEIP Celso Emilio da Silva: 0 asistentes.
CEIP Eugenio López de Cee: 1 de 47.
CEIP Eduardo Pondal de Ponteceso: asistiron 11 de 29.
CEIP Areouta Sardiñeiro -Fisterra: 1 alumno.
CEIP de Zas: 0 asistentes.
CEIP Fogar de Carballo: asistiron 18 de 97.
CEIP Canosa Rus (Coristanco - Carballo): 0 de 15.
CEIP Santa Eulalia de Dumbría: 0 asistentes.
CEIP Mar de Fóra de Fisterra: 1 de 21.
CPI da Picota (Mazaricos): 0 asistencias de 10 alumnos.
CEIP Gándara de Sofán - Carballo: 0 de 20
CEIP Bergantiños: 6 de 75

"Estes resultados, que consolidan, nun contexto moito máis complicado pola falta de autonomía das crianzas hoxe convocadas, a resposta social da pasada semana en 6º de primaria e 4º da ESO, non fai máis que darnos a razón a todas as asociacións, sindicatos, plataformas e movementos sociais, e á confederación Anpas Galegas que defendemos que a educación pública ten que ser dialogada, e que a normativa que leva catro anos pretendéndosenos impor non a queremos nin a aceptamos porque non responde ás necesidades futuras nin das nosas fillas e fillos, nin da nosa sociedade", sinalan dende a confederación de Anpas Galegas. Os representantes dos pais e nais de alumnos considera que éstas son "unhas probas inútiles" que desprezan o diñeiro de todos e todas así como o tempo dos docentes e o do alumnado. Por este motivo, están dispostos a iniciar un proceso de diálogo e renovación educativa para construír unha nova realidade educativa galega apoiada nunha lei galega.