O número de parados na Costa da Morte incrementouse en 111 persoas con respecto ao mes anterior O mercado laboral comeza cun resbalón na Costa da Morte xa que o número de parados rexistrados nas oficinas do antigo Inem incrementouse en 111 persoas deixando un total de 9748 persoas en situación de desempleo na bisbarra. A de Fisterra foi a comarca na máis subiron o número de parados con 86 persoas máis ca o mes anterior. Pola contra, a de Bergantiños foi a única con cifras positivas xa que conta con cinco empresgados máis ca no mes de decembro. Por concellos, o de Cee foi o que rexistrou un maior incremento de parados, con 45 persoas máis en situación de desemprego. Séguelle moi de cerca Dumbría, que o pasado mes de xaneiro sumaba 33 persoas máis ás listas do Inem con respecto a decembro. Destaca o de Malpica, que foi o concello da comarca que sumou o maior número de empregados pasando a ter en xaneiro 33 asalariados máis ca no mes de decembro. Xaneiro é un mes tradicionalmente malo para o emprego debido á finalización da campaña do Nadal que adoita traer contratos novos no sector servizos principalmente. Novas relacionadas

• O paro sobe en outubro na Costa da Morte
• O paro medra na bisbarra tras o remate da tempada estival
• Xullo remata con case 700 parados menos na Costa da Morte
• O paro baixa en 600 persoas na Costa da Morte durante o mes de xuño

Fonte

• Redacción QPC ([email protected])
• Ministerio de Emprego