Como non podía ser doutro xeito, o PP arrasou tamén na Costa da Morte nestas Eleccións Autonómicas 2012. E o fai cun 50% dos votos emitidos na bisbarra, por un 45% no conxunto de Galicia. Malia que a participación baixou un 10% con respecto ás Autonómicas do 2009, a Lei Electoral segue impedindo que a igualdade democrática sexa unha realidade, favorecendo, eternamente aos partidos maioritarios.

O descontento parece xeralizado, como representa o feito de que Escaños en Branco, na primeira vez que se presenta en Galicia, se convirte na 6ª forza política. Na Costa da Morte recibiu uns 250 votos, entrando entre as 6 forzas políticas por diante de Compromiso por Galicia.

Outro dato significativo indica que pasamos do 0.89% de votos nulos ao 2.85%.. E outro clarificador, houbo máis xente que non votou (832.000, o 36,20%) que votantes do PP (653.934) así como 38.410 en blanco (o 2.6%) e 34.700 votos nulos (o 2.6%).

A Costa de cor azul

Só no Concello de Dumbría o PSOE superou ao PP. Ademais, cómpre destacar o retroceso de PSOE e BNG e a forte irrupción de AGE, que non afectou aos populares, e que superaron en moitos concellos ao BNG. Un BNG que baixa e que só se mantén como segunda forza en Zas.

Costeiros no Parlamento de Galicia

Tralos resultados, comprobamos que esta vindeira lexislatura poderemos ter (a falta das decisións finais dos partidos) tan só 3 representantes das nosas comarcas no Parlamento Galego. Estarán os populares Aurelio Núñez (11º – Carballo) (parece complicado que entre a carnotá Marisol Piñeiro (15ª pola provincia) ; así como os socialistas Francisco Caamaño (1º pola provincia da Coruña- Cee) e Marisol Soneira (5º – Camariñas). É pouco probable que entre no Parlamento a carballesa do BNG Belén Lendoiro (5ª nas listas pola Coruña).

Quedan fóra os candidatos do BNG, o fisterrán Modesto Fraga, que estaba de 10º, Xoán Manoel Sande (A Laracha-15º) Xuan Xosé Blanco (Mazaricos- 19º) ademais de Daniel Oca e María Xosé Alfonso, 9º e 10º das listas pola Coruña de CxG.

Resultados Eleccións Galegas 21-10-2012 na Costa da Morte

TOTAIS (15 concellos)

Cabana de Bergantiños

• Abstención: 37.49% (un 11% máis que no 2009).
• Votos en branco: 57 (2.11%)
• Votos nulos: 53 (2.01%).

Camariñas

• Abstención: 34.83% (un 9% máis que no 2009).
• Votos en branco:61 (1.85%)
• Votos nulos: 25 0.77%).

Carnota

• Abstención: 39.66% (un 7% máis que no 2009).
• Votos en branco: 31 (1.58%)
• Votos nulos 39 (1,28%).

Cee

• Abstención: 39.96% (un 9% máis que no 2009).
• Votos en branco: 91 (2,26%)
• Votos nulos 130 (3.12%).

Corcubión

• Abstención: 39.06% (un 5% máis que no 2009).
• Votos en branco: 17 (1.69%)
• Votos nulos 24 (2,33%).

Dumbría

• Abstención: 40.57% (un 9% máis que no 2009).
• Votos en branco: 28 (0.65%)
• Votos nulos: 32 (0.70%).

Fisterra

• Abstención: 41.94% (un 8% máis que no 2009).
• Votos en branco: 67 (2.80%)
• Votos nulos: 41 (1.68%).

Laxe

• Abstención: 45.94% (un 9% máis que no 2009).
• Votos en branco: 23 (1.84%)
• Votos nulos: 38 (2.08%).

Malpica

• Abstención: 35.35% (un 8% máis que no 2009).
• Votos en branco: 104 (3,05%)
• Votos nulos 95 (2,75%).

Mazaricos

• Abstención: 46.13% (un 11% máis que no 2009).
• Votos en branco: 32 (1.45%)
• Votos nulos: 27 (1.21%).

Muros

• Abstención: 39.38% (un 8% máis que no 2009).
• Votos en branco: 91 (1.88%)
• Votos nulos: 89 (1.80%).

Muxía

• Abstención: 30.42% (un 10% máis que no 2009).
• Votos en branco: 36 (2.48%)
• Votos nulos: 78(2.48%).

Ponteceso

• Abstención: 40.79% (un 10% máis que no 2009).
• Votos en branco: 83 (2.34%)
• Votos nulos: 74 (2.69%).

Vimianzo

• Abstención: 36.96% (un 14% máis que no 2009).
• Votos en branco: 66 (1.56%)
• Votos nulos: 101 (2.33%).

Zas

• Abstención: 38.67% (un 13% máis que no 2009).
• Votos en branco: 66 (2.44%)
• Votos nulos: 54 (1.96%).

Novas relacionadas

• Verdades de Louzán: 21O.
• As Bondades da fala, con Fran Caamaño: “Chegarei ata onde a ilusión e os militantes do PSOE queiran”.

Outras eleccións

• 21-11-11: Eleccións Xerais 2011: O PP arrasa na Costa da Morte igual que en toda España.
• 23-05-11: Valoracións sobre os Resultados das Eleccións Municipais 2011.
• IkiMap das Eleccións Autonómicas 2009 na Costa da Morte.

Fonte

• Redacción de QPC ([email protected]).