Representates do sector político da Costa da Morte participaron nunha das mesas sectoriais celebradas onte Son os propios axentes sociais os mellores coñecedores das necesidades do seu sector. Por este motivo, o GAC Costa da Morte quixo involucralos para elaborar a Estratexia de Desenvolvemento Local Participativo (EDLP) de cara ao próximo programa de axudas do Fondo Europeo Marítimo e de Pesca 2014-2020. Neste senso, ao longo do día de onte realizaronse tres mesas sectoriais ás que asistiron máis de 30 persoas que representaban a diversas entidades do sector social e económico, do sector do mar e do sector público do territorio do GAC. Cada un dos sectores analizou a situación do territorio, estableceu as primeiras liñas e obxectivos estratéxicos para a nova programación de axudas e xurdiron novas ideas. Entre outras iniciativas, tratouse a mellora da comercialización dos produtos pesqueiros, reforzamento dos elementos medioambientais e patrimoniais, proxectos de cooperación, captación de capital e novas actividades produtivas de cara a creación de emprego e oportunidades económicas. Dende o GAC Costa da Morte informan que levarán a cabo máis reunións e procesos consultivos cos axentes do territorio interesados na elaboración da estratexia do programa do Fondo Europeo Marítimo e de Pesca 2014-2020. Fonte

• Redacción QPC (info@quepasanacosta.gal)
• GAC Costa da Morte