Xa leva preto de 2.700 empregos directos creados na provincia da Coruña o programa PEL Emprende. Un programa da Deputaciñon que tamén beneficia a ducias de traballadores e empresas da Costa da Morte. Este 2019 a Deputación recibiu máis de 60 solicitudes da Costa da Morte de axudas para financiar o 75% do salario dos traballadores e traballadoras durante un ano, sendo ademais, 72% dos contratos indefinidos e o 93% benefician a colectivos con especiais dificultades de inserción laboral.

Como anunciou o presidente Valentín González Formoso, a Deputación vén de conceder preto dos 700.000 nas nosas comarcas, para a creación ou afianzamento de case 60 postos de traballo.

“Os nosos obxectivos son fomentar a creación de emprego estable e de calidade, especialmente nos concellos máis pequenos e rurais da provincia, axudar a fixar poboación e apoiar a inserción laboral das persoas con maiores dificultades para atopar un emprego”, afirmou o presidente provincial González Formoso, que destacou que destas 173 axudas concedidas, preto do 72% (124) realizaranse na modalidade de contratación indefinida e que o 93% (161 contratos) correspoden a colectivos coma parados de longa duración, maiores de 45 anos ou menores de 30, mulleres ou persoas con discapacidade.

En canto á distribución das axudas por concellos, é de destacar que todas as empresas e autómomos/as beneficiarios son de concellos da provincia de menos de 20.000 habitantes. Destacan como concellos cun maior número de solicitudes concedidas os seguintes: Santa Comba (13), Mazaricos (9), Zas (7), Cee (6), Camariñas (4), Corcubión (4), Laxe (4).

PEL- PEMES AXUDAS CONCEDIDAS POR CONCELLO NO QUE SE UBICA A EMPRESA E IMPORTES CONCEDIDOS

PEL- PEMES AXUDAS CONCEDIDAS POR COMARCAS