A comunidade galega en Suíza viviu a pasada fin de semana unha noite máxica coa celebración do Entroido 2024, un evento organizado pola Irmandade Galega na Suiza que acadou un cheo nas súas instalacións. A velada estivo marcada pola música tradicional, a alegría do entroido e un ambiente festivo que transportou aos asistentes directamente a Galicia. O acto incluíu un concurso de disfraces tanto para nenos como para adultos, onde brillou a creatividade e o humor.

Os anfitrións, vestidos con traxes de cores axeitados para a ocasión, achegaron aos asistentes ao espírito festivo de Galicia cos mellores sons da música tradicional. A velada foi unha explosión de emocións que se prolongou ata a madrugada grazas á enerxía e talento de Damian Rodríguez Busto, máis coñecido como DJ Rokiño. O seu regreso a Xenebra despois de dous anos foi un dos momentos máis esperados da velada. A súa última visita foi no incrible e exitoso entroido organizado tamén pola Irmandade Galega na Suiza, que naquela ocasión congregou a preto de 1.000 persoas e no Día da Nai celebrado no restaurante de Cerceda. O seu regreso non defraudou. Cunha sesión chea de enerxía e boa música, DJ Rokiño fixo que o público bailase sen parar ata a madrugada, demostrando unha vez máis o seu gran talento e conexión coa colonia de Suíza.
Este regreso supón o inicio dunha xira de case tres meses por Suíza, na que o mozo DJ levará a súa música e paixón por distintas cidades do país, consolidando aínda máis a súa proxección internacional. Para DJ Rokiño, este país converteuse nunha segunda casa e expresouno con emoción:

"Síntome eternamente agradecido pola cálida acollida que sempre me brinda a colonia en Suíza. Aquí atopei cariño, apoio e grandes oportunidades de traballo que me permitiron abrirme camiño fóra de Galicia. Regresar a Xenebra despois de dous anos e ver que o salón se encheu éncheme de satisfacción. Hoxe teño outra cita en Suíza que formará parte desta xira. Só podo expresar o meu apoio e a súa confianza a todas as persoas que confían s e romper fronteiras para facilitarnos o camiño nos países de acollida. Son os verdadeiros protagonistas”.

Pero a noite non foi só música e baile, senón tamén un escaparate do talento galego que hai que ampliar e dar a coñecer por todo o mundo. Nesta liña, destacou a presenza de Martín Caamaño Castiñeira, natural de Berdeogas, Dumbría, e creador da marca de roupa Costa da Morte, que conquistou a diáspora cos seus deseños. Nesta ocasión, Damián luciu con orgullo unha das súas creacións, con Eustaquio como protagonista, reafirmando así a fusión entre música, moda e tradición galega.

Galicia é terra, mar, cultura e tradición, pero, sobre todo, é sentimento e orgullo. Ese sentimento que viaxa con cada galego e tece redes por onde vai. Un espírito que quedou reflectido neste Entroido en Xenebra, demostrando que a paixón e o talento non teñen límites. Cunha comunidade entregada, unha organización impecable e unha enerxía contaxiosa, o Entroido 2024 de Xenebra converteuse nunha noite memorable que deixou claro que a cultura galega está máis viva que nunca, independentemente da distancia.

A festa foi un éxito rotundo e, sen dúbida, pon o listón moi alto para vindeiras edicións grazas a un gran equipo altruísta encabezado por Noemí Figuerola Mera e máis coñecida como A Irmandade Galega na Suiza.

Máis novas