Venres. 30.09.2022
El tiempo

O uso e o acceso á tecnoloxía segue a ser un reto para as persoas con discapacidade

aspaber-stItas
Profesionais de ASPABER mantiveron estes días un encontro con persoal do centro de educación especial St. Ita's de Irlanda
O uso e o acceso á tecnoloxía segue a ser un reto para as persoas con discapacidade

Despois de dous días de xuntanza, profesionais de ASPABER - Asociación de Pais de Discapacitados Psíquicos de Bergantiños - e do centro de educación especial St. Ita’s - Drogheda (Irlanda) compartiron os retos actuais cos que se atopan aas persoas con necesidades educativas especiais no acceso e uso das novas tecnoloxías. 

Ademais, durante o encontro que tivo lugar nas instalacións de Aspaber en Carballo, os profesionais de ambos centros estableceron liñas comúns de actuación e colaboración entre ambas entidades onde ASPABER xa ten unha experiencia e percorrido feito a través doutras colaboracións. A máis recente, é a establecida coa Universidade de Santiago de Compostela para a creación de 1 APS (aprendizaxe-servizo) co grao de pedagoxía e outra dentro do grao de maxisterio para a creación de material interactivo e adaptado ás persoas con discapacidade intelectual en canto á prevención e uso de ferramentas tecnolóxicas.

Unha das propostas que xurdiron no encontro destes días, foi a invitación de ASPABER a desenvolver un traballo semellante entre o Centro de Educación Especial St. Ita’s e as Universidades Irlandesas co que poder crear un banco común de recursos didácticos adaptados ós novos retos tecnolóxicos e formativos actuais.

comentarios