Toni Cortés en Luanda cos seus nenos da Academia de Futebol de Angola Segue en marcha o proxecto solidario do equipo de QPC coa colaboración de Julio Vila para levar un mar de botas de fútbol e balóns a Angola. Xa temos varios puntos de recollida abertos sendo moitos os equipos do Fútbol da Costa e as xentes da bisbarra que están achegándonos ese par de botas que está en bo estado, pero fica esquecido no faiado. Hoxe queremos coñecer a un dos culpables desta iniciativa. Toni Cortés traballa na Academia de Futebol de Angola e gracias á súa colaboración, o material colleitado poderá chegar aos pés de ducias de rapaces de Luanda e arredores.  

• QPC: Bueno, fai dous anos que pasaches por Carballo por aquel exitoso Congreso de Fútbol. Que recordos gardas daquela cita? Que che pareceu Carballo e a zona?

Profesionalmente foi unha gran experiencia poder participar no I Congreso de Fútbol Concello de Carballo organizado por Fútbol Táctico e QPC o 3/4/5 de xuño do 2006 e un recoñecemento por parte da organización en poder presentar o proxecto que estamos desenvolvendo en Angola. Formarse con grandes profesionais do mundo do fútbol, que estiveron no evento (Juanjo Vila, Víctor Paredes, Paulo Noga, Luís Llopis, Amalia Revuelta, etc), foi unha gran aprendizaxe e moi positivo. Estiven en Carballo en diferentes ocasións, xa que me une unha profunda amizade con Juanjo Vila (director da revista digital de Fútbol-Táctico). Un lugar onde me sinto feliz e é unha delicia pasear polo río de Anllons, o refuxio de Verdes, praia de Razo, Caión…etc.  

• QPC: Agora ben. Que fai un catalán en Angola? Como acabas exercendo de coordinador da Academia de Futebol de Angola?

A miña incorporación ao proxecto é unha historia que normalmente non acontece no mundo do fútbol, onde na maioría de ocasións selecciónase por amizades e relacións. O dono do proxecto, o expresidente da República de Angola o Excelentísimo Enxeñeiro José Eduardo dos Santos orientou ao director xeral que o seu director técnico tiña que ser de Barcelona (polo xogo mostrado polo FC Barcelona de Pep Guardiola) e español (polos éxitos da selección nacional de España). Con esta orientación o director xeral do proxecto, o Sr José Luís Garrido, seleccionou a diferentes candidatos de Barcelona, polas recomendacións de Albert Roca (ex preparador físico do FC Barcelona) e desprazouse a Barcelona a entrevistarse cos profesionais seleccionados. Fixen a miña presentación e expliquei o que podía aportar a este proxecto formativo e fun seleccionado. Despois como último paso despráceme a Luanda a coñecer a cidade, as instalacións e presentar o meu proxecto formativo ao patrono de AFA. En agosto do 2013 incorporeime como Director Técnico da Academia de Fútbol de Angola  

• QPC: Cal era a túa bagaxe profesional?

Licenciado en Educación Física con Maestría de Fútbol polo INEFC de Barcelona, son Adestrador Nacional de Fútbol “UEFA-PRO-Nivel-3. Fun Técnico Deportivo Superior en Fútbol no Consello Superior en Deportes, e son Catedrático de Educación Física do Departamento de Ensino de Cataluña. En materia futbolística, fun Segundo Adestrador da Selección Catalá absoluta de Fútbol do 1995 a 2005 (e Coordinador da base durante 3 anos), ademais de pasar polo Metallurg Donetsk, equipo da primeira división da liga Ucraniana; o C.E. Europa e o Cornellá de 3ª División, e preparador físico no Nàstic de Tarragona de 2ª B. Tamén impartir clases na Universidade Ramon Llull e na Federación Catalá de Fútbol:  

• QPC: E agora parece que é posible que o Fútbol da Costa colabore co fútbol base angoleño, verdade? Estamos animando a toda a comarca a sacar do trasteiro esas botas que xa non usan e unha marea de balóns para os chic@s africanos.

Agradezo e felicito a Fútbol dá Costa por esta iniciativa desinteresada para axudar aos futbolistas angolanos. Asi xogan os nenos en Luanda

• QPC: Unha campaña solidaria que nace no seo da Costa da Morte, que pode aportar aos chic@s angoleños?

Esta campaña vai aportar para os mozos de Angola material deportivo que permita mellorar as pésimas condicións que teñen os xogadores e equipos de barrios. Os nenos de Angola aman o fútbol  

• QPC: É tan necesario alí o material deportivo? Cóntanos como intenta vivir o fútbol un neno dun barrio ou unha aldea próxima a Luanda (a capital)

O fútbol en África vívese dunha forma moi apaixonada. É o deporte rei por excelencia e sempre están xogando en calquera parte. Organizan xogos con porterías pequenas e xogan horas e horas ao fútbol. Angola é considerada como unha das cidades máis caras do mundo cuns prezos moi elevados e ten a herdanza dunha guerra civil que fixo moito dano á poboación. O material deportivo é moi caro e gran parte da poboación non pode acceder a ter unhas botas ou balóns para xogar. Por estes motivos é tan necesaria a axuda para que estes nenos. Agradecemos e damos as grazas a Costa da Morte por este bonito xesto desinteresado para os futbolistas de Angola. Partido de Fútbol Base de Luanda  

Onde podes deixar as túas botas

Podes achegarte aos seguintes puntos:

• Cruz Vermella de Vimianzo.
• Campo Municipal do Conco.
• Campo de Xaviña, en Buño.
• Agualada. Contactar con Julio (620927750).

Para calquera dúbida poden contactar con Alberto Pose (649 12 92 89).

Novas relacionadas

• A Cruz Vermella de Vimianzo, novo punto de recollida para o material deportivo que o Fútbol da Costa enviará a Angola.
• Un mar de botas e balóns do Fútbol da Costa para Angola.

Fonte

• Redacción de QPC ([email protected]).