Xoves. 28.03.2024
El tiempo

Unha abarrotada Poxa de Xovencas e a degustación dun tenreiro frisón completan unha gran Semana do Leite en Santa Comba

Unha abarrotada Poxa de Xovencas e a degustación dun tenreiro frisón completan unha gran Semana do Leite en Santa Comba
Poxa de Xovencas en Santa Comba Exitosa Poxa de Xovencas en Santa Comba Fin de semana de prestixio para o sector gandeiro de Santa Comba. O Recinto Feiral xalleiro ateigouse de xente para recuperar a Poxa de Xovencas, que alcanzaba a súa 18ª edición, pero que non se celebraba desde o ano 2015. Tanto por público, como por implicación do sector como por volume de animais e negocio, está subasta pode considerarse un auténtico éxito, recuperando o esplendor de antano. Houbo transaccións por valor de 43.900 euros, cunha media de 2.438 euros, sendo a máis valorada " Megatina" da SAT A Campa de Curtis, que acadou un valor de 3.150 euros. Desfilaron na pasarela xalleira 20 exemplares, dos que se subastaron 18, ainda que os 2 que non foron á poxa tamén se venderon no propio recinto. A presenza da Conselleira de Medio Rural Ángeles Vázquez, que acompañou á alcaldesa de Santa Comba María Pose e á súa corporación, amosa a aposta autonómica porque Santa Comba se posicione ó frente do sector gandeiro galego. Tamén pasaron polo recinto xalleiro diversos alcaldes da provincia, coma os de Curtis A Baña ou Val do Dubra. A dirección técnica do evento correu a cargo de AFRICOR, agrupación que se amosou plenamente satisfeita tanto coa recuperación da Poxa como polo desenvolvemento da mesma. A Conselleira a Poxa de Xovencas de Santa Comba coa alcaldesa A Conselleira a Poxa de Xovencas de Santa Comba coa alcaldesa

Degustación de Tenreiro ó espeto

A última gran aposta desta 1ª Semana do Leite de Santa Comba foi a de pechar as actividades cunha degustación de Tenreiro ó espeto, que gustou e moito ós más de 500 asistentes. Coa música dos Gaiteiros de Santa Comba de fondo, o chef vasco Karlos Ibarrondo e un equipo de estusiastas voluntarios, prepararon máis de 500 racións de Tenreiro,regado con viño do país e con postre lácteo. Desde as 3 da madrugada ata as 14:30 h do domingo, a carne foi collendo o punto perfecto para que os comensais a calificasen de "exquisita" ou " moi sabedora". Degustacion de espeto en Santa Comba Degustacion de espeto en Santa Comba

Sábado de Xornadas de Saúde animal

A previa dos eventos dominicais foron unhas interesantes xornadas técnicas que tiveron lugar no Auditorio do Edificio multiusos e que congregaron a un bo número de gandeiros e profesionais da saúde animal. Desde a Consellería de Medio Rural, Javier Franqueira achegou a información de primeira man sobre as Axudas da PAC 2018; a Cooperativa Xallas, a través dun dos seus veterinarios , Pablo Santos, quixo aportar o seu punto de vista sobre o emprego responsable dos antibióticos na saúde do gando; e o Centro Veterinario do Xallas- CENVET, achegou 2 ponencias sobre a temática a través de prestixiosos profesionais dos laboratorios ELANCO (Juan Caínzos) e CEVA- Salud animal (Antonio Jiménez)

Novas da Semana Gandeira

Máis novas relacionadas

Fonte

Comentarios