Maria José Dosil é a Educadora Social de Vieiro

A Educadora Social de Vieiro Mª José Dosil Parafita segue a ser a responsable de desenvolver e atender o Servizo de información, orientación e asesoramento que a Asociación Vieiro mantén dende hai 25 anos na súa loita contra a drogadicción. Un traballo de prevención que abrangue todos os eidos: escolar, comunitario, laboral, xuvenil, familiar, o servizo xurídico ao toxicómano/a, ademais do serivo de atención.

Un servizo gratuíto con atención ao público de luns a venres en horarios de 10 a 13:30 horas e para o que non se precisa cita previa, que está dirixido á mocidade, toxicómanos/as, familias e poboación en xeral.

As consultas pódense levar a cabo tanto a nivel presencial, telefónico como a través de correo electrónico e abarca a toda a poboación das comarcas de Bergantiños, Soneira, Fisterra e Xallas, así como dende calquera outro punto xeográfico.

A orientación que se ofrece dende este servizo é:

· Información veraz, confidencial e anónima sobre calquera consulta relacionada con problemas derivados do consumo de drogas ou outras adiccións. · Información e derivación a recursos especializados para a rehabilitación de condutas adictivas a persoas afectadas. · Orientación e asesoramento en canto ás habilidades, actitudes e estratexias psicoeducativas de actuación familiar para a prevención e o manexo de condutas de risco máis axeitadas para afrontar as situacións problemáticas. · Información ás familias sobre pautas e estratexias de actuación ante sospeitas de inicios de consumos de drogas e outras condutas adictivas. · Entrevistas con pais/nais e afectados/as para analizar persoalmente.

Onde atopar a Vieiro

Este servizo que está atendido pola educadora social Mª José Dosil Parafita, desenvólvese na sede da Asociación Vieiro sita na rúa Vázquez de Parga, 119, Bloque 4 – Baixo Dereita de Carballo, ou chamando ao teléfono 981756161 existindo a posibilidade de deixar unha mensaxe no contestador cos datos de contacto e servicio devolve a chamada á maior brevedade, ou a través da dirección de correo electrónco: vieiro@vieiro.org.

Novas relacionadas

• Vieiro homenaxea ao seu finado presidente con máis implicación.
• 29-08-17: Falece o presidente da asociación antidroga Vieiro.
• Vieiro recolle nunha revista os seus 25 anos de traxectoria
• Vieiro pon en práctica as habilidades sociais de máis de 1000 estudantes de secundaria de Carballo
• Vieiro renova o seu servizo de dar respaldo xurídico
• 100 pais e nais aprenden con Vieiro a importancia da prevención
• Vieiro axuda a adolescentes de Carballo a coñecer e xestionar as súas habilidades socioemocionais.

Fonte

• Redacción QPC (info@quepasanacosta.com)
• Vieiro