O Dolmen de Dombate, no Concello de Cabana de Bergantiños, pechou o seu período estival cunha marca de visitas, despois de que polas súas instalacións pasasen un total de 19.754 persoas desde o mes de marzo e ata o pasado luns.

A apertura do Centro de Interpretación, no mes de abril, trouxo consigo un importante repunte no número de visitantes. En marzo, por exemplo, viran o monumento megalítico 260 persoas, mentres que en abril a cifra de visitas guiadas xa se incrementou ata 2.814. Xullo e agosto foron os meses de maior afluencia, con 3.810 e 6.620 visitas, respectivamente.

Novas actuacións

A Deputación da Coruña acaba de aprobar a autorización para a realización de limpeza, consolidación e conservación da arte parietal do Dolmen de Dombate que correrá a cargo do arqueólogo Fernando Carreira Ramírez. A actuación terá un período de execución de 39 días.

Así mesmo, a institución provincial deu luz verde á escavación arqueolóxica e restauración do Dolmen, a cargo do arqueólogo Manuel Lestón Gómez, por un período de execución de 60 días.

Novas relacionadas

• 23-03-11: Por fin se inaugurou o Centro Arqueolóxico do Dolmen de Dombate.
• O concello de Vimianzo afeita o Castro de Barreiras e agarda o permiso de excavación.
• Recuperando o Castelo do Soberano.
• Un paso máis cara a aprobación final do Parque Arqueolóxico do Megalitismo da Costa da Morte.
• Un libro sobre Dombate.
• O Seminario de Estudos Comarcais reflexiona, para ben e para mal, sobre a declaración de BIC do Castro Borneiro.

Artigos relacionados

• Que pasou na Costa: Que pasou na Costa.
• Cando naceu o nome da “Costa da Morte”?.

Máis novas

• Recunchos da Costa: O Dolmen de Dombate.
• Excursión pola Ruta das Antas .
• O Seminario de Estudos Comarcais da Costa da Morte presenta un DVD da Ruta das Antas .
• 188 xacementos no Atlas arqueolóxico da comarca de Fisterra .

Fonte

• Nota de prensa da Deputación.