As 42 webseries que poderás ver no #CarballoInterplay

As 42 webseries que poderás ver no #CarballoInterplay

15:09 14/03/18

Xa ollamos o completo Programa Actividades para o #CarballoInterplay2018. Pero os máis entendidos agardaban como auga de maio a selección do xurado das 42 webseries que se proxectarán na 5ª edición do Festival de contidos dixitais carballés, durante os días 4, 5, 6 e 7 de abril.

Son 42 as series que competirán polos 5.000 euros en premios. 42 escollidas entre as máis das 250 presentadas, entre as que temos 3 propostas galegas e en galego, 12 do resto do estado e 27 do resto do mundo: Arxentina, Australia, Canadá, Chile, Estados Unidos, Finlandia, Francia, Holanda, Italia, Líbano, México, Nova Zelanda, Reino Unido, Suíza, Uruguai e, por suposto, España.

As 42 webseries finalistas proxectaranse en seis bloques -tres internacionais e tres do Estado- nas tardes do xoves 5, do venres 6 e do sábado 7, no Auditorio da Casa de Cultura de Carballo. Cada bloque terá unha duración de entre unha hora e unha hora e cuarto e a entrada, como en todas as actividades do Festival, é libre e gratuíta ata completar aforamento.

VSO en Galego

Webseries galegas finalistas do Festival Carballo Interplay 2018

As series escollidas son: Antolepsia, Galicia Crime e Monumento.

Españolas

Webseries espanolas finalistas do Carballo Interplay 2018

As webseries españoñas finalistas son: Buster, Colegas, Dorien, La Leyenda de la Princesa Tetasuko, Mambo Naranjito y Yo, Polis Corruptos, Road to Andaloser, Si fueras tú, The last Call e Todos queríamos matar al presidente.

Internacionais

Webseries Internacional finalistas do Carballo Interplay 2018

As webseries internacionais finalistasson: 13.11 (Nina), Bright Summer Night, Chack Morris Life, Deluxe Motion, Echoes of IS, Emilia Envidia, End Unsung, God's 17, Hotel Romanov, John Death, Just Cuddle, La división, La strategia dell'acqua, Loop, Memoria digital, Middlemarch: The Series, Noche de paz, Perverts Anonymous, Recursos Humanos, Sexy Herpes, Shakespeare Republic: #LoveTheBard (Season Two), Supa Supa, The Big Nothing, Urban Legends, Women Of The Island, Yes No Maybe e Zyara (season two).

O Xurado

Cada un destes bloques competirá por cadanseu premio de 800 euros, que decidirá o xurado do festival, composto polo guionista e realizador Carlo Padial, a crítica Desirée de Fez, o xornalista Iago Fernández, a actriz María Tasende, o guionista Oscar Cruz e a directora Anxos Fazáns. Ademais, o público decidirá cos seus votos entre todas elas un premio de 400 euros e, por vez primeira nesta edición, un xurado novo entregará outro premio de 400 euros. Conforman este xurado a youtubeira Nuria Espasandín, o músico Cristian Andrade a ilustradora Laura Tova e o picadiscos e programador do Xiria Pop Maikel Pérez.