Xoves. 28.03.2024
El tiempo

Man de Camelle ten a súa estatua

Man de Camelle ten a súa estatua
Man se queda de piedra-Fundacion Man de Camelle

Tiña lugar esta semana santa o acto para o anuncio do gañador do Concurso do Concello de Camariñas “Unha estatua de Man, o artista de Camelle”, no marco do proxecto financiado polo GAC “MAN: Mar, Arte e Natureza”. Un concurso para buscar unha escultura mimética de Manfred Gnädinger, o alemán de Camelle, polo cal foi convocado o presente concurso.

O Concello de Camariñas recibiu seis propostas de diferentes artistas para levar a cabo dito encargo, anunciando o pasado 25 de marzo -na súa páxina web www.mandecamelle.com- o xurado seleccionado para a elección do proxecto final.

O gañador do concurso foi o escultor Francisco Castro Freijo coa obra “Man se queda de piedra”. O escultor, formado na Escola de Canteiros de Pontevedra, realizará una estatua en granito a tamaño natural da figura de Man.

Dito xurado está composto por D. Xosé Antón Castro Fernández como presidente - licenciado en Historia da Arte e Arqueoloxía pola Universidade de Santiago e doutor en Arte pola Universidade Complutense de Madrid- e os vogais D. Enrique Velasco Vieitez, actual secretario da Escola de Canteiros de Pontevedra, e D. Xosé Manuel Barros Hermida, artista e fundador da Asociación Mar de Fábula.
Todos os proxectos do concurso serán presentados próximamente en Camelle, para posta en coñecemento do público xeral.

Entrega do Premio Man

Máis información

Novas relacionadas

Fonte



Comentarios