Subida ao Monte Neme a ver o eclipse de lñua

As nubes impediron que as máis de 50 persoas que se animaron a participar nas “Xornadas Astronómicas do Monte Neme” puideras disfrutar da Lúa de Sangue. A cita convocada pola Plataforma Monte Neme tivo un gran éxito de participación, e a andaina dende Razo ata o cumio do Monte foi do máis interesante.

Pero ás vistas espectaculares quedaron en terra, porque alá no ceo, a lúa vermella agochábase trala densa nubarada. Non impediu, porén, aprender coas explicacións do fenómeno astronómico de man do divulgador científico José María De La Viña.

Andaina con Monte Neme dende Razo José María De La Viña explicando os fenómenos astronómicos

Polas Perseidas

Agora, a seguinte cita será día 11 de Agosto, para a observación da choiva das Perseidas, está programada unha nova observación contando coas explicacións dos divulgadores José María De la Viña e Jorge Mira e coa posibilidade de subir ao cumio do monte cun roteiro guiado pola Plataforma. Previamente, esa mesma tarde realizarase no Local Social de Cances unha clase introductoria á choiva de estrelas para comprendela mellor da man de José María De la Viña.