Segue o longo proceso de formación do V Concurso de Murais de Azulexo da Costa da Morte, que artella a empresa ceense Suministros Lar. Un proceso que leva varios meses, ata que os alumnos dos 8 centros educativos e 3 asociacións participantes terán que expoñer as súas obras para a grandísima final, que terá lugar a comezos de verán (a finais de curso) na empresa ceense.

E xa temos tema principal do certame, pois como sabemos, cada ano a empresa decide un tema arredor do que teñen que facer as súas obras. Se o ano pasado eran os xogos tradicionais, este ano serán os Fondos mariños os protagonistas. A idea é sensibilizar aos mozos co mar e a súa fonte de riqueza. I é que cómpre lembrar que Galicia máis quilómetros de costa que o resto de España xunta.

Nesa liña de concienciación, a entidade vai organizar unha conferencia para os Institutos e asociacións participantes deste ano. Esta xornada que terá lugar na Casa da Cultura de Corcubión o xoves 12 de xaneiro ás 11:00h, e os relatores son Miguel San Claudio, arqueólogo submariño especializado na investigación do patrimonio cultural submarino da Costa da Morte (xa ten descuberto no último verán 4 novos tesouros en forma de pecios na augas da ría de Corcubión), e Milucho Louro representante da iniciativa Mar de Lira que avogan pola dinamización de contorna mariña.

Máis datos

Ademais, o formato do mural será unha peza de formigón de 1.000 Kg de peso en forma de Vela dun barco, suxeito cunha peza de ferro en forma de Ombreiro de Mar, e cunha varillas de ferro simulando os cabos de suxeción das velas.

Como en anos anteriores repartiranse 3.000€ en premios entre os participantes gañadores.

Novas relacionadas

• Un longo proceso de formación.
• 8 centros educativos e 3 asociacións de discapacitados participan no V Concurso de Murais Costa da Morte.
• Cabazas, bruxas, pantasmas e curuxas para o Samaín de murais de Zas.
• Concurso 2012: Arrinca o curso e ponse en marcha o V Concurso de Murais de Azulexo da Costa da Morte.
• IV Concurso 2011: Os institutos de Cee, Zas e Muxía acaparan os premios do Concurso de Murais de Azulexo de Lar.
• O Azulexo toma a palabra.
• O Concurso de Murais de Lar asalta a tele.
• Os alumnos de Aspadex e do IES Fin do Camiño fanse artistas con Lar.
• Lar segue formando pequenos artistas co Concurso de Azulexos.

Máis novas

• O longo proceso de creación dun Mural de Azulexo no IES de Baio.
• III Concurso de Murais 2009: O IES de Baio volve gañar o Concurso Benéfico de Murais de Azulexo de Lar.
• III Concurso de Murais 2009: Emotivo acto final do Concurso benéfico de Lar.
• 4 concellos adquiren os murais benéficos de Lar do II Concurso.

Fonte

• Nota de prensa de Suministros Lar da man de Tatiana Rodríguez.