Un Nadal de escaparates e Reis por Santa Comba
08:41 14/12/18
A alcaldesa de Santa Comba coa Posta de Nadal ganadora
Chega o Nadal a Santa Comba, e faino para todos os públicos e entidades, pois tamén xunto coa coa Asociación de Empresarios de Santa Comba, organiza unha nova edición, a XII, do Concurso de Escaparates de Nadal. Haberá 1.000€ en premios e ducias de establecimentos intentarán coller o relevo dos gañadores do ano pasado (Ler Librerías, A Landra e Fotos Teca).
Outra das propostas xa realizada foi o XX Concurso de Postais de Nadal, que serve para que o Concello felicite aos seus veciños. A alumna do CEIP “Barrié de la Maza” Soraya Paredes Negreira foi a gañadora. O segundo premio foi para Víctor Fernández Quintáns do C.P.R. “Ntra. Sra. Inmaculada” e o terceiro para Iker García Amarelle do CEIP “Pepe de Xan Baña”.
O acto de entrega de premios será o vindeiro mércores 18 de decembro ás 18,00h no salón de actos do multiusos.