Hai anos que dixo: ”Só quería deixar un recordo do meu paso polo mundo”. E abofé que a pegada desta brava muller será recordada pola volta. A Rexoubeira de Bergantiños, aos seus 96 anos, segue dando que falar, e que aprender. E segue servindo de exemplo, para centos de mozos que aprenden o que é a vida noutros tempos completamente distintos dos que ela medrou.

Así e todo, unha visita como a que realizaron os alumnos de 3º da ESO do CPI Xosé Pichel de Coristanco, vale moito. Algúns xa a coñecían, pois Asunción Antelo é veciña de toda a vida dos rapaces. Algúns mesmo estiveran no museo da súa casa de Sagufe, na parroquia de Seaia. Pero a meirande parte non sabían nada do legado desta escritora e artesá autodidacta; non sabía nada da súa verba, das súas coplas, do seu traballo, do seu museo con centos de pezas de barro, pedra e madeira.

"Moitos quedaron marabillados, outros din que o non o puido facer iso, que tivo que ser un home... Cóstalle traballo aos rapaces crer que todo isto o fixo ela soa", sinala Isabel Rey, veciña que coida de Asunción e fai de guía no seu museo.

Así descubriron a unha “Rosalía adiantada ao seu tempo”, que mantén unha “mente lúcida e intelixente” á súa idade, como a definen varias admiradoras.

Implicación do Concello?

Ogallá todos os centros tiveran mestras tan implicadas para realizar estas saídas tan didácticas ou para axudar a sumerxirse na rede aos rapaces. Porque como recoñece algunha mestra, como dependa das administracións públicas, a cousa sería ben triste: “Inexplicable o desinterese e desatención por parte do concello”, valora Mercedes Queixas, a devandita mestra. "O que hai no Concello non axuda nada a poñer en valor o que temos aquí", sinala Isabel Rey. "Non lles interesa nada aos do Concello, unha mágoa", que apunta que Asunción quere ir á Praia de Razo, para recordar a súa infancia. "Habería que facerlle unha homenaxe xa, porque xa pasa dos 95 anos", recorda

Tamén está pendente un libro con toda a súa obra, e veremos se é posible levalo adiante canto antes.

Asunción na tele

Aquí na TVG:
E aquí, nun programa da TVE, repasando aos maiores da Costa da Morte:

Novas relacionadas

• 2014: Unha copla polos 95 anos de Asunción Antelo, a Rexubeira de Bergantiños.
• 2010: Unha merecida homenaxe a Asunción Antelo, “A Rexubeira de Bergantiños”
• Vieiros 2008: Entrevista en vídeo con Asunción Antelo.
• A bitácora da semana (CCLXI): Os blogs do CPI Xosé Pichel de Coristanco.

Máis novas

• Os poetas populares de Cabana xa teñen o seu libro gracias á divulgación de Xosé Manuel Varela.
• E Rosalía tamén rendeu homenaxe a Fermín da Feiranova.
• A regueifa perde a Fermín da Feiranova, o máis antigo dos regueifeiros de Bergantiños.
• A regueifa revive en Xornes, berce da canteira retranqueira bergantiñá.
• Caldebarcos rima nos Muíños unha oda ao millo.
• Os pequenos vimianceses xa riman a golpe de regueifa.
• Xosé Manuel Varela e Fermín Calvo espallan a regueifa bergantiñá por Chantada.
• Música e literatura mesturáronse na polafía de Cabana.
• A “Polafía”, unha auténtica viaxe en vídeo pola tradición de Cerqueda.

Fonte

• Redacción de QPC ([email protected]).