Un ano máis chega unha das poucas Festas de Interese Turístico na Costa da Morte. A XXIII Mostra do Encaixe de Camariñas 2013 xa ten datas e carteis, así que de novo, a semana santa, do 27 ao 31 de marzo, a cita que mestura deseño, tradición e moda, será en Camariñas.

Haberá de todo coma sempre, facendo do XX Concurso de Deseñadores Noveis (a pesar dalgunha crítica por un suposto veto do ano pasado) un dos puntos fortes. Este ano o primeiro premio levará 2104€, o segundo 1202€ e o terceiro e o premio do público, 601€.

Pero tamén haberá diversos encontros de encaixeiras de toda a península, e continuas Xuntanzas de Palilleiras que se celebrarán día tras día para que máis de 200 palilleiras demostren as súas técnicas de palillar así como exaltar vos seus lugares de orixe.

Ademais, diariamente haberá Cursos de Encaixe de Camariñas, nos que se poderán aprender puntos tan característicos do noso encaixe como son: vos virís, ou casadillo, a araña, ou niño de abella, a antena e, puntos compostos como son: a filigrana con teares, ou casadillo con cordón, estrelas de zurcidos e flor de zurcidos con cordóns.

Novas relacionadas

• 27-04-12: Veto na Mostra do Encaixe de Camariñas?.
• Mostra 2012: 17.000 visitantes fan do Encaixe un produto de moda a pesar dos recortes.
• Mostra 2011: Camariñas pon a tradición de moda.
• Mostra 2010: Alberto Neves gañou o Concurso de Deseñadores Noveis.
• Mostra 2010: A cara máis sensual do encaixe.

Artigos relacionados

• Unha de Festas de Interese Turístico na Costa da Morte.
• Relatos da Costa, Un século máxico: Hoxe: Encaixe (Camariñas, 1.999).

Fonte

• Redacción de QPC ([email protected]).
• Nota de prensa da Mostra do Encaixe de Camariñas.