Venres. 29.03.2024
El tiempo

Zas e os seus veciños recuperan a súa memoria fotográfica con Phottic

Zas e os seus veciños recuperan a súa memoria fotográfica con Phottic
Captura do Zas na memoria de Phottic Captura do Zas na memoria de Phottic Despois da fantástica proposta de dixitalización documental histórica de Zas polo miúdo, chega “Zas na memoria”. Unha vez que o Concello, gracias á labor de Xosé María Lema Suárez e Evaristo Domínguez Rial, recuperaron a historia de todas as parroquias zaseiras, o Concello pon en marcha un novo proxecto dixital para recuperar o seu arquivo fotográfico. “Zas na memoria” é unha plataforma que permite expoñer e ordenar coleccións fotográficas que, neste caso, están agrupadas polas 16 parroquias que compoñen o noso municipio. A través da plataforma Phottic, unha rede social de fotografía histórica artellada dende a Costa da Morte, o Concello abre este proxecto: memoria.concellodezas.org. A ferramenta, que permite expoñer e ordenar coleccións fotográficas, ten un alto compoñente informativo e participativo. Cada imaxe conta cunha ficha individualizada na que consta a data, o lugar, e incluso unha descrición da fotografía; unha información que poderán completar os usuarios. Serán pois os usuarios tamén os que axuden a completar o fondo fotográfico de “Zas na memoria”. Para iso, deberán rexistrarse na plataforma e subir eles mesmos a/s súa/s fotografía/s que serán validadas por un administrador. Actualmente xa están subidas á web máis de 150 imaxes coa idea de que o álbum se incremente coas achegas que faga a veciñanza e que axuden a recuperar unha boa parte da historia do noso municipio.

Novas relacionadas

https://quepasanacosta.gal/o-concello-de-zas-completa-a-sua-historia-con-duas-novas-entregas-de-zas-polo-miudo/ https://quepasanacosta.gal/as-iniciativas-costeiras-que-recuperan-a-memoria-social-a-traves-de-phottic/

Comentarios