Inaugurábase onte na praia de Razo as pistas de volei praia que estarán accesibles todas as tardes do verán. Concello de Carballo, Deporte Carballo e a Asociación Deportiva Cultural Volei-praia Costa da Morte manteñen esta aposta polo deporte estival poñendo a disposición de todos os visitantes redes para xogar todos os días dende as 16.00 ata as 20.00 horas.

Ademáis, de luns a venres, de 17.00 a 18.00 horas, terán lugar as Pequescolas e as Escolas de voleipraia para todas as idades nas que os máis pequenos e pequenas poden gozar cos diferentes xogos, e os mais maiores poden perfeccionar a técnica ou iniciarse no mundo do volei-praia da man dos monitores da ADC Volei-praia Costa da Morte. Todas actividades son gratuítas, así que só tendes que pasarvos pola Explanada de Razo e preguntarlle aos monitores cando queredes comezar.

O 14 de agosto, a gran final

Como cada ano, tampouco podía faltar a cita ineludible do Torneo Foliada Concello de Carballo, que neste ano 2016 chega a súa novena edición. O 14 de Agosto é a data sinalada para esta gran festa do volei-praia, na que xogadores de toda Galicia se reúnen para gozar deste espectacular deporte, e pasar un día cheo de sorpresas, xogos, comida e moitas máis actividades na praia de Razo.

Novas relacionadas

• Unai Larrañaga leva á Selección Galega ao 5º posto do Campionato Nacional de Volei Praia.
• O Volei Praia mira ao Ézaro.

Fonte

• Concello de Carballo.