Imaxe do Campionato nacional de volei praia cadete no Ézaro

Un ollo no Ézaro e outro nas Canarias. O Volei Dumbría tiña doble foco de atención esta fin de semana. Por un lado estiveron atentos á participación de Marco Lado e David Redonda no Campionato de España de Seleccións Autonómicas Sub 21 de Las Palmas. Mentres, na casa, o areal do Ézaro acollía o Campionato de España Cadete.

Campionato de España en Dumbría

Ambiente na praia do Ezaro para o Campionato de Volei Praia Cadete-Foto-Jorge Castro

Máis de medio millar de persoas (só entre entre equipos participantes, delegacións e acompañantes) deixaron a súa pegada na comarca de Fisterra durante esta pasada fin de semana gracias a un novo evento deportivo deses que tan ben funciona como motor económico e como escaparate turístico. A proba nacional do volei praia encheu o areal do Ézaro cun gran ambiente. A pesar de que o tempo non foi mellor para atraer visitantes a Costa da Morte volveu converterse en epicentro do volei praia nacional acollendo unha das citas de maior envergadura para a canteira española. O título cadete arrincou o venres cos primeiros encontros e no día de hoxe decidíronse as eliminatorias das que sairán os campións de España 2017.

Equipo de Volei Dumbría cadete-Foto-Jorge Castro O veciño local Sergio tivo club de fans no Ézaro-Foto-Jorge Castro

O equipo representante do Volei Dumbría estiveron moi ben arroupados polos seus veciños, sobre todo Sergio.

Finalmente o campión masculino foi o Arahal de Sevilla que venceu ao Laredo na final. En categoría feminina as do Unideba de Málaga vencían ao CVP Poniente Benidorm na final dominical.

 

Dous costeiros en Las Palmas

Marco Lado e David Redonda coa Seleccion Galega de Volei Praia en Las Palmas

Non tiveron sorte os Marco Lado e David Redonda no Campionato de España de Seleccións Autonómicas Sub 21. Pero a experiencia xa lles queda na memoria. Os costeiros non tiveron un gran comezo, e caían pelexando ata o derradeiro punto no primeiro encontro ante a parella madrileña Pino/Rangelov, en dous sets con parciais de 21-17 e 23-21.
Seguiron dando a talla no seguinte choque fronte os canarios Gallardo/Duque, pero o tie break decidiu á vitoria para ós das illas por apenas dous puntos de diferencia (21-18/20-22/13-15).
Xa o sábado, enfrontábanse á parella balear Ramón/Sánchez, outro partido complicado no que os galegos estiveron á altura pero non lles acompañou a sorte, caendo na morte súbita, por 2 sets a 1.
No cadro de consolación puideron finalmente resarcirse para rematar con vitoria o campionato (por 2-1 ante Cataluña) e obter a 13ª praza nacional.

As galegas Gladys Giráldez e Patricia González acadaron un meritorio 5º posto.

Marco Lado e David Redonda coa Seleccion Galega de Volei Praia en Las Palmas  

Novas relacionadas

• Xullo 2017: Marco Lado e David Redonda representarán a Galicia no Campionato Nacional de Volei Praia sub-21.
• Xullo 2017: A praia do Ézaro, unha vez máis epicentro do volei praia nacional.
• Xuño 2017: Unai Larrañaga, anfitrión da Selección Galega de Volei Praia no Ézaro.
• Maio 2017: O Volei Dumbría empeza a temporada de volei praia con triunfo en Santander.
• Marzo 2017: O xogador do Volei Dumbría, Unai Larrañaga, convocado pola Federación Española.
• Agosto 16: O Ézaro volveu convertir Dumbría no centro do Volei Praia Nacional.
• Xullo 16: O dumbriés Marco Lado participa en Tenerife no Campionato de España de Volei Praia.
• Xullo 2016: Unai Larrañaga leva á Selección Galega ao 5º posto do Campionato Nacional de Volei Praia.
• 2015: O Dumbría proclámase campión galego de Volei Praia Cadete en casa.

Crónicas do Volei Dumbría

• O Volei Dumbría conta cunha nova furgoneta doada pola Deputación.
• O Volei Dumbría roza a medalla no Campionato de España Xuvenil.
• O Volei Dumbría realiza un impecable comezo do Campionato de España Xuvenil.
• O Volei Dumbría disputa o Campionato de España Xuvenil en Lorca.
• O Volei Dumbría repite o título de Campión Galego Xuvenil.