Elas teñen a senda

Elas teñen a senda

07:23 23/11/17

Xa cun ollo posto no Torneo de Zas de Nadal, que organizará a familia soneirá do tenis de mesa, desenvolveuse unha nova xornada para os equipos costeiros. Nas categorías máis altas, cómpre destacar o bo papel feminino, que gañan case por inercia, mentres que aos rapaces do Ponciano Nieto sáelle todo do revés

2ª División Nacional Masculina

Resultado: AD Zas Ponciano Nieto - Helios Bembibre TM (0-6).

O AD Zas Ponciano Nieto ante o Bembibre Outro encontro máis sen atopar a senda das vitorias. Estáselle facendo dura esta liga aos zaseiros, neste caso non houbo opción para os locais a pesar de que Miguel tivo uns rexistros moi axustados en todos os sets, e coma sempre, cando algo está axustado vai favorecer ao que está arriba na clasificación.

1ª División Nacional Feminina

Resultado: CTM Coruña - AD Zas Aluminios Xeal (0-6).
Resultado: Breogán Oleiros Femenino - AD Zas Aluminios Xeal (2-4).

AD ALuminios Xeal en Coruña Outras dúas vitorias foron as que conseguiron as chicas do AD Zas Aluminios Xeal na súa liga de 1ª División Femenina e o que tiveron que loitar para acadalas só o saben elas. Como exemplo o encontro contra as veteranas do CTM Coruña que non deron unha bola por perdida e se miramos o resultado xeral de 6-0 parecerá que foi unha vitoria aplastante pero nada máis lonxe da realidade, pois tres partidos resolveronse por 3-2 favorables e con moitas alternativas no tanteo. Víronse partidos moi disputados e con puntos moi longos con moitos intecambio de golpes. Desta vez pareceu que tiveran a sorte de cara as zaseiras. Algo parecido pasou no segundo encontro, que xa se supoñia, onde a excepción dos partidos de Ana Ramos (a máis nova de todas as xogadoras, 11 anos), o resto poideron caer de calquer lado. Só con ver os parcias xa se dá un conta de que non foi nada fácil. Así Ana García superou a Marta no 5º set e por 13-11, e logo Miriam levantou un 7-10 en contra no 3º set que se adxudicou despois de varios empates e de bolas de partido para Andrea Valiño.

1ª División Galega

Resultado: Concello de Mazaricos - Monte Porreiro Mixto (1-4).
Resultado: Arteal “A” – AD Zas Construcciones Cernadas (0-4).

Unha de cal e outra de área na 1ª División galega. A de cal para o AD Zas Construcciones Cernadas que gañou contundentemente en Santiago ante o Arteal “A” e cedendo un só set, retomendo así a senda das vitorias que moita falta lle facían para escapar dos postos baixos da táboa. Moi ben Ana García e Miriam Domínguez completando así un fin de semana de vitoria por partido xogado.

E a de area foi por pàrte do Concello de Mazaricos que non foi capaz de superar aos de Monte Porreiro nesa loita polos postos altos da táboa. Unha derrota que non frea os ánimos dos mazaricáns de conseguir algo máis que a simple participación. A familia costeira espera que pase a primeira metade da liga para poder falar de empresas maiores, capacidade teñen dabondo, e todo se consigue con esforzo e constancia e deso non lles falta aos noviños xogadores preparados por Miguel Rey.

2ª División Galega

Resultado: VTM Pinturas Figueiras – AD Zas Dimobel Bazar Baio (4-1).
Resultado: VTM Pizzería Hilton – AD Zas O Pinar (4-1).
Resultado: VTM Pinturas Figueiras – AD Zas O Pinar (4-2).
Resultado: VTM Pizzería Hilton - AD Zas Dimobel Bazar Baio (4-2).

Encontros entre os equipos de Zas e Vimianzo a pasado fin de semana con pleno de vitorias dos de Vimianzo que gañaron todos con claridade ainda que algún partido foi moi disputado e igualado pero sempre caeron paro o lado vimiancés. Moi boa progresión dos rapaces de Vimianzo e aquí non debe levar a culpa o adestrador pois todos eles (os de Vimianzo e os de Zas) están preparados polo mesmo entrenador así que debe ser a atención e interés mostrado nos entrenos e tamén a concentración con que se xogan os partidos ou as horas extras que fan os de Vimianzo no local da piscina cando teñen tempo para elo. A destacar o bo ambiente entre todos eles despois dos partidos xa que todos xuntos foron merendar a un local da capital soneirá.

Vindeira cita

Para esta fin de semana non haberá liga, pero si torneo en Oleiros a onde se desprazará unha nutrida representación dos xogadores da comarca e con esperanzas de conseguir varios podiums.