Malpica acolleu unha nova Vidú Cup de alto nivel
08:31 19/06/18
Seleccion da Costa na VIdu Cup
Festa do fútbol base esta pasada fin de semana nos campos de Xaviña e Pedra Queimada. A II Vidú Cup, organizada polo Concello de Malpica e a Asociación Deportiva Vidú euniu a varios dos mellores equipos da nosa comunidade e a dous clubes de renome de Portugal como son o Chaves e o Vitória de Guimarães. Ademais, había unha atención especial pola presencia da Selección sub15 da Costa.
Unha Selección da Costa que fixo un gran torneo e competiu moi ben en todos os seus encontros salvo neste último, no que acusou o cansazo acumulado durante toda a competición.
Finalmente o campión foi o RC Deportivo, que venceu nunha fermosa final ao Pontevedra.
RC Deportivo Campion da Vidu CUP
Trofeos individuais
Antón Cambeiro, MVP da final
ODeportivo practicamente copou todos os trofeos xa que os seus gardametas Hugo Lemos e Hugo Ríos levaron o trofeo ao menos batido, o adestrador deportivista Rubén Domínguez levouse o de mellor entrenador, Álvaro Pérez foi escollido coma o MVP da final e o talentoso Antón Cambeiro, que mostrou unha calidade e unha clase exquisita durante todo o torneo, levouse o trofeo ao mellor xogador da competición.
Nesta gran festa branquiazul, colaríanse o gardarredes Marc Bermúdez do Pontevedra CF como mellor porteiro, e Xabier Souto, quen con catro goles sería o máximo goleador desta II Malpica Vidú Cup.
Outros recoñecementos
O Vitória Sport Clube de Guimarães mostrou un comportamento exquisito e uns valores deportivos moi grandes e a organización quixo premialos co trofeo Fair Play.
