Presentacion do Campus do Balonman Xallas con Laura Carracedo (Exxogadora do BM Xallas e monitora do campus de verán), Sílvia Cancela (Concelleira de Deportes do Concello de Santa Comba), María Pose (Alcaldesa do Concello de Santa Comba), Marcos Braña (Directivo do BM Xallas) e Víctor Garrido (Director Deportivo do Bm Xallas) Este verán os nen@s xalleiros  disfrutarán do deporte no Campus do Balonmán Xallas. Un campus que botaba a andar onte ca presentación oficial na Casa do Pozo. Un campus que comeza o vindeiro luns 23 ata o domingo 29. Marcos Braña insistiu na importancia desta semana de acontecementos balonmánísticos para o clube, convidou a todo o mundo a participar e agradeceu a colaboración do Concello de Santa Comba e dos patrocinadores que día a día co seu apoio fan posibles iniciativas coma as que se estaban a presentar nese acto. Víctor Garrido profundizoou en cada unha das actividades e explicou: “o campus a día de hoxe conta con preto de 50 inscritos, terá unha duración dunha semana e tratará de mellorar aspectos técnico-tácticos dos/as asistentes cun elenco de adestradores de moi bo nivel; contaremos entre outros con Ignacio Moyano (campión de España por clubs), Carla Abad unha das adestradoras con máis tirón na promoción do balonmán feminino) e un servidor”, según comentou Garrido, os asistentes ao campus de verán do Balonmán Xallas tamén poderán gozar todos os días de actividades alternativas impartidas por monitores específicos, entre eles: Beatríz Souto (Xiria Volei), Aiala Ortiz (Club Maniotas Vigo), Xan Sólo (Sen Cancelas Teatro), Juan Vázquez “Huelvis” (Departamento Cultura Santa Comba), etc..

Ciclo de Charlas

En canto ás charlas Víctor comentou: “Son charlas básicas pero importantes, esas cousas que se dan por sabidas e nas que apenas ninguén incide; a xornada do xoves será orientada a todo tipo de adestradores, da igual a modalidade deportiva, falaremos dos principais perigos nunha instalación deportiva e sobre a xestión de grupos e dirección de equipo”; o vernes falaremos do comportamento con respecto á arbitraxe e das relacións pais-cogadores/as-adestradores/as; o sábado temos una sesión de balonmán moito máis específica, de metodoloxía básica, será teórica e práctica”. As charlas contarán con poñentes de gran nivel: Igancio Moyano é un dos adestradores máis exitosos de base do momento, Eduardo Patiño é un profesor e psicólogo con gran experiencia no mundo do balonmán e no deporte en xeral, Leyre Fernández é unha das colexiadas nacionais que está a ter máis protagonismo nos sectores de categorías inferiores e Fernando Mosquera, licenciado en medicina e con experiencia no deporte de élite.

Laura Carracedo, actualmente xogadora do AD Carballal de División de Honra Prata será das monitoras do Campus Balonmán Xallas 2018, amosou a súa alegría por poder voltar ao clube onde comezou a xogar ao balonmán, deporte que tantas alegrías lle está a dar.

A concelleira de deportes e alcaldesa de Santa Comba agradeceron este tipo de iniciativas para o concello e por suposto animaron á xente a participar, desexaron unha feliz estancia a todos os adestradores e poñentes durante esta semana na vila xalleira.