Outra cita esta fin de semana co xadrez, demostrando que este deporte é xa toda unha potencia na bisbarra. Cabana acollía o II Torneo Concello de Cabana de Bergantiños, IX proba do Circuíto Intercomarcal de Xadrez, no pavillón Polideportivo de Cabana situado na zona das Revoltas. Unha cita á que acodían 59 xogadores de varias partes de Galicia: Verín, Ourense, Vigo, Sanxenxo, Chantada, Lugo, Padrón, Rianxo, Santiago, Val do Dubra, Ferrol, Coruña, Cambre, Arteixo, Carballo, Malpica, Muxía, Zas, Mazaricos, Corcubión, Vimianzo, tamén tivemos de fóra de Galicia xogadores de Madrid e Asturias. O nivel era moi alto cos GM Aleksa Strikovic e David Lariño (actual campión de España desta modalidade de ajedrez rápido) e os MI Carlos Suárez, Arián González, Diego Espiñeira e 3 MF Fernando Sánchez, Antonio Pazos e Marcial García.

O torneo decidiuse na última rolda tras unhas emocionantes partidas, chegaban líderes Strikovic e Lariño con 5,5 puntos e con 5 viñan os MI Suárez, González e o MF Sánchez, Strikovic non pasou do empate ante Suárez mentres que Lariño impoñíase nunha tola partida ante Arián e Sánchez gañaba a Pazos. Deste xeito, o GM David Lariño (actual campión de España, de Esteiro pero xoga no Xaquedrum de Lugo) proclamábase vencedor do torno con 6,5 puntos, 2º quedaba o GM Aleksa Strikovic (Serbio residente en Galicia e que xoga por Chantada, que levaba 5 vitorias noutros 5 torneos o circuíto) 3º MF Fernando Sánchez do club de Rianxo ambos con 6 puntos.

Houbo premios especiais e por categorías (repartíronse 800€ en moitos trofeos), destacando a vitoria do corcubionés Ramón A. Franco do Cabo Touriñán en sub-1600; ou de Francisco Abella, histórico impulsor do xadrez en Cabana e en boa parte da Costa da Morte e profesor no colexio local, de Veteranos. Tampouco fallou Darío Lema do Cabo Touriñán que segue arrasando en sub-8.

Quedan por disputarse varias probas: o 30 de setembro Malpica; o 1 de outubro en Cerceda e o 12 de outubro, a clausura e torneo final en Muxía. Toda a info e as clasificacións do circuíto pódense consultar na web oficial www.pokeryajedrez.com.

As ANPAS anótanse ao xadrez

Xa contamos que as ANPAS apúntanse á moda do Xadrez e xa teñen as primeiras citas da súa Liga. Ponteceso, Carballo e Mazaricos acollerán probas entre outubro e novembro, e xa podedes inscribirvos ata o 10 de outubro en www.fedanpas.org.

Novas do Circuito

• Carnota e Dumbría vibraron co xadrez.
• Strikovic segue mandando no Circuito Intercomarcal de Xadrez.
• O xadrez de alto nivel volveu a Baio.
• O Circuito de Xadrez salta de Arteixo a Baio.
• O II Aberto Fundación Luis Calvo de Xadrez batíu marcas de participación.

Máis novas

• As ANPAS apúntanse á moda do Xadrez.
• O Club Xadrez Cabo Touriñán pecha unha gran temporada de debut.
• O Xadrez Cabo Touriñán pelexa por manter a 3ª praza.
• O Manuela Rial gran protagonista do campionato comarcal de Xadrez.
• O Cabo Touriñán afiánzanse na zona media da 2ª Galega de xadrez
• O Club Cabo Touriñán vence ao líder e espalla o xadrez polas escolas de Muxía.
• O erros condenan ao Club Xadrez Cabo Touriñán en Vilagarcía.
• Unha incomparecencia impide ao Cabo Touriñán sumar a súa segunda vitoria na Pobra
• Febreiro 2017: O Xadrez Cabo Touriñán comeza a liga con vitoria.
• Setembro 2016: 745 xogadores participaron no I Circuito Intercomarcal de Xadrez.

Fonte

• Redacción de QPC ([email protected]).