Nova xornada completa de #fuboldacosta con máis de 60 encontros nesta última fin de semana de novembro.

E comezamos a análise da xornada cun fantástico Pleno en Preferente. O XSC e o Dumbría mantéñense ben arriba tras dúas boas vitorias. Algo máis fácil o tivo o cadro de Corredoira na casa ante o Taboada, pero os de Canosa foron gañar nada menos que a Boiro, ante un cadro local que estaba 4º, praza que ocupa agora o cadro dumbriés. Completaba a gran semana o Soneira de Felipe Candamo, na casa ante O Val, quedando os soneiráns 10º máis preto dos de arriba que dos de abaixo.

Pero o partido da semana era o derbi de 1ª. E gañou o que máis o precisaba, cun tanto de penalti pitado no min.85 á saída dun córner transformado por De la Sierra. Un Camariñas que pega un salto considerable con estes 3 puntos que o levantan da 14ª praza á 10ª. Igual que o Fisterra, que sobe ata a 9ª praza tras un partido no que os de verde volvían facer sufrir á afección. Mentres, o Ponteceso non pasaba do empate tras un partido moi igualado.

Na Liga da Costa a Esteirana é máis líder tras vencer ao Volantes nun novo e ateigado derbi muradá, e aproveitarse do empate do Sofán en Zas. Unha vitoria adicada ao porteiro Ramón do Camarón, que ten que manterse fóra dos terreos doe xogo por un problema de saúde. Xa son 3 puntos os que ten de vantaxe o cadro blaugrana, 4 sobre o Baio e 6 sobre o Cee. I é que o Baio non fallaba, malia sufrir, ante o Castriz, e o Cee, sen embargo, salvaba un punto ante un motivadísimo Corcubión no min.95 e de falta. Por detrás aínda segue o Zas, e mais o Corme tras vencer en Louro.
No duelo de pechacancelas, o Cabana sacaba 3 puntos do Conco tras un encontro vibrante que non se decidía ata o tempo pasado.

A xornada na 3ª viña marcada polo choque sabatino entre Independiente e Porteño. O líder visitaba un campo carballés con case 300 persoas nas bancadas, e así e todo tivo oficio para remontar un 1-0 e levar os 3 puntos. Os de Gerpe sacan 5 puntos aos de Da Silva cun balance de 11 vitorias, 1 empate e 0 derrotas. O Camelle segue por detrás tras vencer pola mínima ao Ameixenda, e loitará esa 2ª praza de ascenso directo ao Independiente, unha loita da que non se queren despegar nin Cerqueda, que vencía ao Alcaián, nin Soneira B, que empataba non duelo de filiais en Ara Solis. O Lira, que empataba no último instante ante o Nantón, ocupa esa 6ª praza por diante do Ameixenda e do propio cadro cabanés. E por fin o Muxía acadaba unha vitoria máis ou menos tranquila, e non desestima loitar por entrar entre os 6 primeiros.

A xornadas en Xuvenís foi inerte. Os 4 equipos de arriba das dúas ligas non fallaban e a cousa segue como estaba.

Nas Ligas Galegas o Dumbría segue 2º en cadetes, e intratable con só 2 empates e 1 derrota en 11 partidos. Mentres, en infantís é o Bergantiños o equipo forte da zona, e se mantén en loita con Boiro e Deportivo.

Ademais, en cadetes, Esteirana e Cee seguen invitos tras 5 xornadas e en infantís XSC e Cee manteñen o pulso a base de goleadas.

Atentos aos Veteranos, que a cousa está que ferve na 1ª. O Castriz segue de líder a pesar de sufrir a primeira derrota da temporada ante o Coristanco, na sorpresa da xornada. Os xalleiros mantéñense cun punto de vantaxe sobre Soneira, que vencia en Nantón; e sobre o Cabana, que protagonizaba a fazaña da xornada ao endosar un 1-7 ao Corcubión, outros dos que ten que loitar arriba.

Preferente, xornada 14

1ª Autonómica, xornada 13

2ª Autonómica, xornada 13

3ª Autonómica, xornada 13

• Descansa Xaviña.

Liga Xuvenil Sur, Gr.3, xornada 13

Liga Xuvenil Norte, Gr.4, xornada 13

Liga Galega Cadete, xornada 11

Liga Galega Infantil, xornada 12

1ª Cadete, xornada 5

1ª Infantil, xornada 10

• Descansa Outes;
• O Fisterra-Vimianzo alterou a orde e se disputou no Municipal de Vimianzo.



Ligas de Veteranos, xornada 11

1ª División

Castriz	0-1	Coristanco
Nantón	2-4	Soneira
Ponteceso	3-2	Bergantiños
Baio	0-2	Bértoa
Vimianzo	2-5	San Román
Corcubión Vet.	1-7	Cabana
San Lorenzo	1-1	Zas
Xv. Bergantiños	5-2	Camariñas

2ª División

Dep. Carballo	1-8	Muros
Agualada	1-3	Sofán
Cerqueda	3-2	Malpica
Camelle	0-0	Laxe
Buño	6-1	Corme
Leiloio	2-1	At. Milagrosa
Porteño	2-0	Poniente

• Descansa Corcoesto.



Máis información

• www.futboldacosta.com.

Artigos deportivos

• Vídeo entrevista de Anxo Garrido con Dani Rosalía.

Novas relacionadas

• Comeza a 16ª edición das Ligas Comarcais do fútbol base costeiro.

Crónicas da semana

• Chega o tempraneiro parte de sancións.
• O primeiro pleno en 6 anos da familia do U.C. Cee.
• Xuvenís: O Cabana bate co Malpica.
• 2ª Autonómica: Esteirana e Sofán manteñen o pulso.
• 1ª Autonómica: Un de terceiro e 3 en perigo.
• Preferente: Dura loita pola segunda praza.
• Resultados do fútbol da Costa.

Fonte

• Redacción de Deportes de QPC ([email protected]).
• Resultados da Pref. e 1ª da man de www.marcadorgalego.com.