Unha xornada máis no fútbol da Costa, a penúltima do ano, que non trae moitas sorpresas, salvo o empate do Camariñas na Segunda Autonómica.
En Preferente, o máis negativo foi a derrota do Soneira en Foz que o coloca en postos de descenso tras a vitoria do Ribadeo, non saen os de Vimianzo desa racha negativa que, pese a que queda moita liga, pode ser un lastre para a segunda volta. O Santa Comba gañaballe o xoves, con moitos apuros ao Grixoa, e cos resultados que se deron colocase segundo e posto de ascenso directo. Os seus veciños de Xallas non foron capaces de sacar algo positivo do campo do invicto Compostela. A cara positiva deste domingo en Preferente douna o Dumbría que sen moito ruído colócanse no medio da táboa.
En Primeira, seguen sen darnos alegrías os dous representantes da Costa, mentres que o Cee perdía na casa e segue último, o Ponteceso facía o mesmo no difícil campo do Noia, pero veñen con sensacións positivas pois os goles da vitoria local chegaron nos últimos minutos e o terceiro nunha situación moi dubidosa.
Na Costa, como xa apuntabamos, a sorpresa foi o empate do líder na casa fronte ao Castriz, comezaron perdendo os de Manolín e conseguiron a igualada no minuto 80 por medio de David, moitas ocasións para os camariñáns pero non puideron sacar máis que un punto. Os de Caion fixeron os deberes o sábado gañando ao San Lorenzo e quedan agora a tres puntos do Camariñas polo que pasan a depender se sí, nunha liga que dominan os dous con moita superioridade, aínda que o Fisterra quere romper esa bipolaridade. Gañou o sábado e segue a espera de que fallen os dous primeiros e suma xa sete vitorias consecutivas. Outro que vén moi calado é o Baio, xa é cuarto, aínda que tivo que suar e moito para dobregar o entramado defensivo do Corcubión, no minuto 84 os de Tono perdía 1-0 e acabaron remontado con goles de Canai e Martín MC por partida dobre.
Na Terceira rematou a primeira volta e o Cabana acaba como campión de inverno ao desfacerse con máis apuros dos previstos ao Corcoesto no derbi do Concello. O resto de equipos da parte alta non fallaron. O Outes gañou con comodidade ao Xaviña, o mesmo fixo o Montelouro hoxe en Muxía. O partido máis interesante da xornada foi o Carnota-Cerqueda que acabou coa vitoria local no desconto, aos malpicáns non lle esta acompañando a sorte no tramo final de ano.
En xuvenís non houbo sopresas entre os primeiros clasificados, tan so cabe destacar a traballada vitoria do Dumbría B ante o Zas.
