Sábado. 04.04.2020
El tiempo

Barranquismo de risco pola Fervenza do Ézaro

Barranquismo de risco pola Fervenza do Ézaro

De incrible a fazaña que vimos de vivir o equipo de QPC. Un grupo de 3 intrépidos desafiaron as leis da natureza e descenderon rapelando a Fervenza do Ézaro. Unha sesión de barranquismo máis que perigosa, pero que de seguro fai sentir aos valentes coma heroes.

E todo chega trala reapertura da Fervenza do Ézaro, vista como unha triste nova polos amantes do barranquismo, pois a seca do treito do río entre a presa de Santa Uxía e a cascada deixaba unha paraxe única para a práctica de deportes de aventura.

En QPC xa temos feito barranquismo polo río Brens e polo río Miñóns, pero esta afrenta parecía imposible. De feito, o corazón dos turistas que se achegaban pola zona a disfrutar da cascada libre mentres os homes facían a baixada tremía cun dedo preparado para pulsar o 112.

De Negreira ao Ézaro

Os valentes trátanse de 3 afeccionados aos deportes de aventura de Negreira, Pablo Fadeville, David Mariño e Sergio.

Os tres descenderon a primeira parte, repousaron e cambiaron as ancoraxes para unha pequena coviña que hai no medio e medio da fervenza, e descenderon, como puideron, os últimos metros de caída.

Unha vía complicada

Falamos cunha das empresas da zona para preguntar pola perigosidade da aposta. Dende a empresa ceense Atlantis Adventure apuntan que é demasiado complicado para facelo, e moito menos con público. Cóntannos que fixeron probas con troncos do peso dunha persoa, "e o tronco sae disparado. Ti non podes levar á xente, só especialistas, pois as persoas que non estean acostumadas non aguantan a forza do río", apuntan dende a empresa.

Deste xeito, cómpre sinalar que esta afrenta está reservada para auténticos especialistas escaladores. Iso si, hai algún escalador que fala co sol, que ten todavía algunha sorpresa preparada...

Novas relacionadas

Fonte

comentarios