Esta tarde de martes 12 de abril de 2011, arredor das 19:00h, a empresa Ferroatlántica abríu as comportas do encoro de Santa Uxía, para devolver o caudal ecolóxico do último treito de 1,4 km do río Xallas, comprendido entre o encoro e a Fervenza do Ézaro. A medida é tomada trala denuncia de AEMS Ríos con Vida, trala que o proceso xudicial obriga á empresa a devolverlle a vida á cascada. Deste xeito esta pasada noite de 12 de abril de 2011 pasará a ser histórica, pois pasaron 19 anos dende que no 1992 a Xunta permitira á empresa substituir o caudal ecolóxico polo caudal turístico estival.

Canceladas as aperturas turísticas

Deste xeito, e á falta de corroborar a nova coa empresa, en principio quedarían suspendidas as aperturas turísticas de semana santa e do verán. Con todo, dende o noso punto de vista, que a fervenza exista todo o ano si que supón un auténtico recurso turístico.

Caudal ecolóxico e caudal turístico

Segundo cifras aportadas polo propio Carlos Oliete, director da empresa na bisbarra, o caudal que abre a empresa como reclamo turístico ronda os 6 metros cúbicos por segundo. O caudal ecolóxico será 3 veces menor, de 2,23 m3/s. Como podemos comprobar na impresionante foto de Marcos Rodríguez Fotografía, sacada na histórica noite, o caudal ecolóxico permite disfrutar dunha boa fervenza.

Máis información

• Recunchos da Costa: A Fervenza do Ézaro.

Novas relacionadas

• O fiscal continúa coa denuncia contra a desecación da Cascada do Ézaro.
• 11-02-11: Ríos con vida volve a carga contra a desecación dos ríos Xallas e Castro.
• Entrevista a Carlos Oleite: “Ferroatlántica cumpriu en todo momento cos términos da concesión”.
• Unha ollada ao estado de saúde dos ríos da Costa da Morte.
• A Xunta abre o expediente de retirada da licencia que permite manter pechada a fervenza do Ézaro.
• 21-10-10: Denuncian a Ferroatlántica por desecar o río Xallas.
• Denuncian á piscifactoría de Lires por secar o río Castro.
• Camariñas analizou con expertos o estado de saúde do río Castro e do río Grande.
• Mark Adkinson, presidente de AEMS-Ríos: De quen son os ríos?.

Máis novas

• A Fervenza que abre por verán .
• A Fervenza resucitou pola Semana Santa 2010.
• Denuncia cunha foto: A morte da fervenza .

Fonte

• Redacción de QPC (info@quepasanacosta.gal).
• Foto de Marcos Rodríguez Fotografía.