Dumbría estreouse no Ciclocross con máis 100 deportistas en competición
Xa dicimos moitas veces eso de #DumbríaéDeporte, pero é que non paran. Desta volta as dúas rodas son as protagonistas e se no Concello xa están pensando no Campionato Galego de Ciclo-Cross para o 29 de decembro, esta fin de semana puideron xa ir catando o circuito.
Tiña lugar o I Trofeo Concello de Dumbría, a terceira proba puntuable no calendario galego. Foron máis de 100 os participantes e os resultados foron os agardados pois os favoritos venceron nas súas categorías.
Por exemplo, Mauro González (Salvaterra) venceu en categoría Elite; Raúl Fernández (C.C. O Rosal) en Junior, e Iván Feijóo (Maceda) en Cadetes. E categorías femininas Isabel Castro (Aquagest), foi primeira en élite e a súa filla Desirée Duarte (Aquagest), vencía en Junior, mentres que Irene Trabazo (C.C. Marín) o facía en Cadetes.
O mellor costeiro, como non, Triki, quedando 10º na categoría Master 40, pero xa sabemos que o míster dumbriés está aínda adaptándose a esta disciplina.
Segue pois Dumbría afianzándose no panorama galego deportivo como parada obrigatoria para moitas disciplinas.
