Investigan un dumbriés por un vertido de cascallos e uralita no monte
![Vertido uralita Dumbria](/asset/thumbnail,992,558,center,center/media/quepasanacosta/images/2024/02/24/2024022410212931096.jpg)
A Patrulla do Servizo de Protección da Natureza (SEPRONA) da Garda Civil de Corcubión investigou a un home como presunto autor dun delito contra os recursos naturais.
Os feitos ocorreron cando unha patrulla da citada Unidade que realizaba un servizo especializado no concello de Dumbría, o día 1 de febreiro do ano en curso, observou nunha granxa unha gran cantidade de residuos da obra, cascallos e uralita, principalmente,
En datas posteriores, os gardas civís realizaron unha nova inspección na zona, verificando que as verteduras foran eliminadas, polo que procederon á localización do propietario do inmoble.
Unha vez localizado, solicitouse a documentación de trazabilidade para a entrega dos residuos a un xestor autorizado, pero esta persoa carecía da devandita documentación, confirmando que a eliminaba mediante o seu soterramento, poñendo así en grave perigo o medio ambiente e os acuíferos.
A Garda Civil procedeu a investigar a esta persoa como presunta autora dun delito contra os recursos naturais.