Menuda tarde a de onte. Eran as 18:00-19:00h e os lóstregos amenazaron a (case) noite máis curta e máxica do ano. Pero houbo sorte, a tormenta pasou e deixou espazo para que a festa do lume se desenvolvese con alegría.

A Costa da Morte leva anos subíndose ao carro desta festa meiga, que serve para celebrar a chegada do solsticio de verán. I é que a noite máis curta do ano foi a do sábado 21, cando entrou o verán. Pero como todas as festas paganas na súa orixe, o cristianismo acolleu a festa e a acomodou ao seu calendario, incluíndo o costume de prender cachelas a noite do día 23 polo nacemento de San Xoán Bautista na mañá do 24.

E finalmente, puidéronse prender as parriladas antes de nada, para comezar a sardiñada, xurelada, churrascada ou verdulada. Foi a sardiña, que estaba algo careira como non podía ser doutro xeito, chegando mesmo aos 20 €/kilo, a que mollou o pan.

Lugares como O Ézaro, Quenxe, Sardiñeiro, Baíñas, Anos, Serres e O Castelo de Muros, Berdeogas, Camariñas, O Esto… prenderon as cachelas, cacharelas, lumareas, chascas, fogueiras… para o disfrute de pequenos, medianos e maiores. Cada un ca súa festa.

Concurso de cachelas

Fantástico e tremendamente orixinal o Certame de Cachelas do San Xoán Carballés. O primeiro premio foi para unha fantástica réplica dunha fervenza que fixeron no Rego Lamoso. O segundo premio foi para "David contra Goliat", dedicado ás persoas afectadas polas preferente. O terceiro premio tirou de ironía para facer un santuario de Muxía, unha outra vez afectado polas lapas... E o cuarto foi para a xente do Club Ciclista Placasa.

E veña herbas

Non faltou a queimada con conxuro e todo, e pola mañá, a limpar a cara coas 7 herbas de San Xoán que xa deixamos prepararadas do día anterior.

Que veña o seguinte!!

Novas relacionadas

• As 7 herbas de San Xoán.
• San Xoán 2013: Un San Xoán de xurelos e muxicas.
• San Xoán 2012: Fermosa noite vermella de San Xoán.
• San Xoán 2011: Herbas, sardiñas e lume para unha noite cada vez máis meiga na Costa da Morte.
• San Xoán 2010: O lume bailou a ritmo de blues .
• San Xoán 2009: A Costa tamén vivíu a súa noite meiga a lume lento.
• San Xoán 2008: Un San Xoán sen cacharelas pero con blues e herbas.

Fonte

• Redacción de QPC ([email protected]).