The Way To Fisterra en clave de Bach
Non sabemos se a Costa da Morte é consciente da importancia da promoción de aquel filme estadounidense “The Way”, achegando o Camiño ata Fisterra e Muxía a millóns de persoas do mundo enteiro. Ou a de voltas que está percorrendo a documental “Costa da Morte” de Lois Patiño, levando o noso nome polos festivais de todo o planeta.
A promoción turística que xeneran estas propostas audiovisiais son importantísimas para o crecemento de peregrinos que chegan ata fin da terra. E esta semana vimos de coñecer un novo proxecto que xa, case está en marcha.
O violonchelista estadounidense Dane Johansen partirá de Sant Pie de Port o vindeiro xoves 15 de maio, para chegar a Fisterra o 25 de xuño, durmindo a noite antes en Olveiroa. O caso é que Dane irá enchendo de música ducias de Igrexas polas que se cruzará no Camiño. Música de Juan Sebastian Bach, ademais, o seu compositor favorito.
Toda esta aventura de case un milleiro de quilómetros en clave de sol a través do “orixinalmente camiño pagano a pé ata o fin da terra” como el mesmo describe, será recollida nunha documental, The Walk to Fisterra. A súa misión será a de explorar o poder comunicativo e relevancia actual da música de Bach, a base de compartilas súas actuacións coas persoas que, de seguro, coñecerá durante a súa viaxe. Un equipo talentoso de persoas andará con Dane, creando un filme que captura as vistas e os sons desta odisea musical.
Este é un avance, e xa podedes colaborar co proxecto, aportando a vosa axuda en www.walktofisterra.com. Necesitan uns 20.000 dólares e xa conseguiron o 75% do financiamento.
Máis información
Novas relacionadas
- Lois Patiño colleita un novo premio coa súa Costa da Morte.
- Sicixia, a primeira película que se rodará integramente na Costa da Morte.
- “The Way” tamén chega á Costa .
- “A Mariñeira” enche os cines de Cee.
Fonte
- Redacción de QPC ([email protected]).
