Xoves. 21.10.2021
El tiempo

Fisterra abre as bases do Concurso de Comparsas do Entroido máis tradicional

Fisterra abre as bases do Concurso de Comparsas do Entroido máis tradicional
Entroido de Fisterra do ano 2016 A mocidade de moitos dos protagonistas do Entroido fisterrán prometen un longo futuro para esta tradicional festa da retranca

Arrinca o ano e coma sempre Fisterra xa está pensando na súa gran troula. “O Entroido máis tradicional da Costa da Morte” ponse en marcha co anuncio das bases do Concurso de Comparsas, ese exercicio de teatro e coreografías que fai da retranca unha auténtica arte.

O Entroido de Fisterra 2017, como o ano pasado, volverá ser en sábado, na tarde do sábado 25 de febreiro, no pavillón municipal. Do mesmo xeito, a contía dos premios volve ser a mesma. Os premios serán de 1.400€ para o gañador, 1.100 para o segundo premio e 800€ para o terceiro, e coma sempre, o resto de comparsas participantes recibirán unha axuda de 300€.

Así, o vindeiro 16 de febreiro ás 14:30h pecharase o prazo de inscrición e saberemos cantas comparsas participan finalmente neste 2017.

O ano pasado foron 5 as comparsas participantes e que invitan a pensar que este ano volveremos ter un gran entroido, xa que a mocidade de moitos dos protagonistas fan prever un futuro seguro para un entroido que abre sempre ás portas ás veciñas comparsas de Lires, Gures, Buxantes, Vimianzo…

Novas relacionadas

Máis novas

Fonte

comentarios