Segunda vitoria seguida do equipo de Alberto Rodríguez e Cantudo que fan soñar aos seus con que a permanencia é posible. Pois foron 3 puntos colleitados ante un rival directo como o Viveiro, que marca a permanencia con 18 puntos, 6 máis que os carballeses agora.

Sofán - Viveiro (1-0)

• Sofán: Iván Martínez, Borja, Becerra, Alexandre, Fita, Paulo, Brais, Fabián, Gody, Kolie e Juanjo. Tamén: Álex López, Iriso, Raúl, Martín, Álex Gallego, Manu Barbeiro, Eibe.
• Gol: 1-0, m.58: Alexandre.

Partido intenso no Carral nunha mañá soleada na que os carballeses xa saían a por todas. Barriron do campo aos da Mariña no primeiro tempo, con varias ocasións como un remate de Becerra á saída dun córner que a piques se convertía no 1-0.

Mandaron no último treito da primeira metade dous balóns á madeira os visitantes, pero o descanso sentoulle ben aos locais.

A saída volveu ser fulgurante, e pronto Alexandre abría o marcador cun zurdazo. Comezou a apretar de novo o Viveiro pero Brais salvaba as accións directas. Sentou ben a entrada dos Eibe, Raúl e Martín (mandou un balón ao longueiro), pero añinda tocou sufrir para manter o resultado e sumar esa segunda vitoria seguida que os saca do pozo.

Gañou a @sd_sofan ao @viveirocf2015 cun gol de Alexandre

🔎 Houbo unha chea de lanzamentos ao traveseiro

O resumo completo, en https://t.co/JLzymQj6mG 👉 https://t.co/NhbBsqzfdl pic.twitter.com/WioeacFeLf

— En Xogo tvG2 (@EnXogo_tvG2) January 30, 2022

Resultados e clasificación en futboldacosta.com.