Segue medrando esta carballesa sen límites. Aos seus apenas 15 anos, xa é titular no Depor Abanca B da 1ª Nacional tendo debutado co primeiro equipo do Dépor. Pero sen dúbida as maiores alegrías veñen vestida de vermello. Foi no seu Bergan, e é tamén na Selección Española, onde a kaiser carballesa está colleitando espectaculares resultados. 

Elena Vázquez Brandón vén de proclamarse subcampiona de Europa coa Selección Sub17, e quixo compartilo co seu Concello. O alcalde Evencio Ferrero e o aínda concelleiro de deportes Marcos Trigo fixéronlle unha recepción oficial, para recoñecer o poderío desta futbolista.