Malas novas nesta última semana de temporada regular para dous equipos do Fútbol costeiro.

O frustrado ascenso do EF Juan Cabrejo

Esperaba o Camariñas a resolución do seu posible ascenso á 2ª Div. Tras un fantástico temporadón, as camariñás contaban con que o empate na última xornada no Cunchido lles permitiría quedar entre as 4 mellores terceiras dos 6 grupos da categoría, o que lles permitiría lograr o ascenso.

Pero finalmente, por unha décima tras facer o promedio de puntos, as camariñás quedan como5ª mellor terceiras, non obtendo o ascenso.

Deste xeito, as de Cabrejo e Faus volverán competir o curso que vén na Liga da Costa.

A situación da Esteirana

Unha Liga da Costa na que é posible que tamén xogue a Esteirana o curso que vén. As de Fran Figueroa gañáronse a permanencia no campo, a pesar dunha lacra de lesións que provocou que o equipo tivese que suspender un partido, e que tivese que competir en 3 ocasións con 10 xogadoras.

Unha circunstancia que recolle o regulamento como ilegal, e que vén de denunciar o At. Milagrosa. O club lucense necesita a vitoria para meterse no playoff, e decidiron obviar a falta de mala intención do clun costeiro e denunciar ás esteirás para sumar os 3 puntos sen necesidade de disputalos.

Finalmente, as xogadoras blaugranas poderán despedirse no campo, e o partido xogarase este domingo as 12:00h no Xosé Luís Vara. para despedir a temporada. Pero é probable, que se a denuncia do Milagrosa vai adiante, o equipo teña que competir o ano que vén na 3ª Div. do fútbol galego feminino.

Máis novas