Sábado. 28.05.2022
El tiempo

Xuvenís: Dominio blaugrana polo sur e igualdade máxima polo norte

Xuvenis Corme-Ponteceso .Edu Cambon
Os xuvenís de Corme e Ponteceso lembraron este pasado sábado o pasamento do colexiado cormelán Lucas Vicente Vidal. Foto de Edu Cambón
Xuvenís: Dominio blaugrana polo sur e igualdade máxima polo norte

Reactivouse a curta competición nas Ligas Xuvenís. A piques de chegar ao final da primeira volta, os 15 equipos costeiros loitan por esquivar as ondas do Covid, e por intentar coller ritmo nunha competición moi cortiña. De feito, ata o de agora apenas vai 6 xornadas de Liga, polo que se fai complicado ter ritmo de competición.

As circunstancias, ademais, fan que sexa complicado ter un grupo completo de xogadores. O Cabana, por exemplo ten un plantel de 14, pero 2 aínda case non apareceron entre estudar fóra e as corentenas (de feito, un rapaz que saía este venres da corentena, o sábado non respiraba ben e agotábase moito e apenas puido xogar, e ten un xogador enfermo e outro lesionado de longa duración.
Por Corme tamén houbo un gromo antes do Nadal que lles parou a competición antes de tempo, e tamén están sufrindo lesións graves e importantes o cadro cormelán, como as de Marcos (rotura de menisco) e Xoel (rotura de ligamento cruzado, da que foi operado hoxe).

Repasamos así, como van os dous grupos, onde se polo Sur domina a Esteirana, o Norte está moito máis igualado.

Grupo 1A Norte

Moi fermosa está a parte alta do grupo norte. 4 equipos están en só 2 puntos, cunha igualdalde máxima. Por unha banda está o Cabana de Fernando, que ten dinamita arriba, se cometes un erro defensivo xa te ves con un gol de eles. Está tamén o Xallas de Jota, un dos equipos que mellor practica o xogo combinativo con xogadores de moita calidade individual. O Corme de Ángel, un equipo compacto defensivamente moi difícil de superar e que aproveita moi ben as súas ocasións de gol. O completa o cuarteto, un moi ben traballado SD Sofán de Barca e Diego Viaño.

Líder está agora o Cabana, a pesar da derrota desta fin de semana ante o Sofán. Os carballeses deixan a clasificación apretadísima, tamén co Corme (que venceu o derbi ante o Ponteceso pola mínima) e o Xallas, que superou ao Cerqueda e que se rebela como un dos equipos que mellor combina.

Así opina, por exemplo, o mesmo adestrador do líder, Fernando, que considera que “o Xallas ten o mellor plantel”, “se ben o Sofán vai vai estar aí pois ten bo equipo e xogan bastante ordenados”; e como non, “o Corme, que sempre está aí e levan o fútbol no ADN e son moi correosos”. Apunta tamén que o Ponteceso ten moitos rapaces e moi fortes” e que cando estean ao 100% vai ser difícil ganarlles”. Dos de abaixo, considera que “o Zas xoga ben ao fútbol, e se están todos pódenche complicar a vida”, mentres que sabe que o Baio sobre que os seus mellores homes están xogando cos sénior.

Na segunda praza está o Sofán de Barca, que considera que este ano a competición vai depender case máis da sorte de non ter demasiadas baixas por corentenas que de ter ben traballados os equipos.

Para Ángel, o adestrador tamén dos séniors do Corme, o “grupo está igualadísimo, e costa moito facerse cos puntos”. Esta fin de semana vencían ao Ponteceso nun sentido derbi que non quixo esquecer o pasamento do colexiado cormelán Lucas Vicente Vidal.

Completa o cuarteto de arriba o Xallas de Jota, que superaba esta finde ao Cerqueda de Dani Reixía, un equipo que mellorou moito dende comezo de temporada, e que xa compite con todos. Jota é outro dos que ve que a liga está moi apretada, e recoñece que está contento co seu equipo, aínda que sexa moi novo, case todos de primeiro ano, pero que ve que están collendo a idea combinativa que lles propuxo dende o comezo. En calquera caso, deixa claro que “se non hai partidos non colles ritmo”.

11 do POnteceso Xuvenil no Cairo
Foto do Ponteceso

Na zona baixa quedan, separados polo Ponteceso de Da Silva, o Zas de Anxo, o Cerqueda de Dani Reixía e o Baio de Pablo Guau, o único que aínda non punutou.

Anxo Garrido, adestrador zaseiro, tamén analiza a competición, tras vencer ao Baio e sumar a segunda vitoria do curso. “A liga está moi competitiva. Non hai un dominador claro e eso faina bastante divertida, os 4 de arriba repártense moitos puntos nos enfrotamientos directos que nos dá a posibilidade de acercanos a eses postos os que vimos traballando dende a zona baixa”.
”Nós empezamos tarde a confeccionar o equipo e lastrounos á hora de contactar con xogadores porque xa tiñan a palabra dada en outros equipos, pero agora estamos ben armados con moitos xogadores polivalentes que nos dan moitas variantes para encarar os partidos”. Ademais o equipo só tivo porteiro nun partido, un feito clave, pero a polivalencia de todo o plantel fai que haia esperanza de levantar o voo, tendo en conta que teñen uns medios de gran calidade como son Marcos, Brais e Adrián, que son titulares habituais xa cos seniors e que vñen con moita forza o cadete Anxo cunha proxección moi alta.

 

Grupo 1B Sur

11 da Esteirana Xuvenil 21-22

Menos igualada se atopa o grupo Sur, cunha Esteirana, adestrada de novo por Gustavo, que arrasa. 6 vitorias en 6 partidos, 27 goles a favor e só 3 en contra suman os blaugranas con Manu Teijo, Anxo e Iván fartando a meter goles. En calquera caso, Gustavo considera que "a boa racha que estamos ter e mérito de todo o equipo, que está creando moitísimas ocasions de gol e xogando bastante ben".  Con xogadores moi destacables como Óscar, Priegue, Ángel, Sergio e Javi, Gustavo cre que "a segunda volta vainos costar un pouco mais xa que os equipos nos van coñecendo".

Lonxe queda xa, a 9 puntos pero con 2 partidos menos, o Outes de Manu Sieira. Os da Serra contan tamén cun home gol como Massa, un equipo moi ben organizado e ordenado no campo, coas ideas claras, e un plantel moi equilibrado pero moi novo, xa que apenas hai 3 rapaces de último ano, tendo en conta que a comezo de curso 5 puntais desta xeración marchou para Santiago a competir en Ligas Galega e Nacional. Será o Outes, que só caeu, pola mínima, ante o líder, o que poida poñer en perigo a supremacía blaugrana.

Pero ollo tamén ao Cee, ata agora dirixido por Muchi e que collerá Isidro Caamaño, un equipo tremendamente forte; aos Miúdos de Mané Senande, que demostran semana tras semana que saben competir; e ao Muxía de Diego Lobelos, un equipo moi forte e intenso que puxo en apuros ao líder na útlima xornada.

Aínda sen estrear o taboleiro de puntos, pero con 2 partidos menos, atopamos ao Porteño de Caamaño e Soneira de Roi.

Pichichis

Na táboa de pichichis, deixamos os seguintes nomes:

  • Manuel Teijo (Esteirana): 9 goles en 5 partidos.
  • Santi Silva Massa (Outes): 8 goles en 4 partidos.
  • Anxo Caamaño (Esteirana): 7 goles en 4 partidos.
  • Miguel Blanco (Cabana): 7 goles en 5 partidos.
  • Félix Neira (Ponteceso): 7 goles en 5 partidos.
  • Rubén Sánchez (Cabana): 5 goles en 5 partidos.

As táboas en www.futboldacosta.com.

comentarios