O laxense Juan Antonio Posse: un crego liberal e vangardista
![](/asset/thumbnail,992,558,center,center/media/quepasanacosta/images/2012/11/26/As-Xornadas-do-Crego-pose-na-Casa-de-Mariana-Foto-SEMESCOM.jpg)
![As Xornadas do Crego pose na Casa de Mariana-Foto- SEMESCOM As Xornadas do Crego pose na Casa de Mariana-Foto- SEMESCOM](/media/quepasanacosta/images/2012/11/26/As-Xornadas-do-Crego-pose-na-Casa-de-Mariana-Foto-SEMESCOM.jpg)
A actualidade do discurso do seu discurso fai que unha das entidades máis comprometidas co patrimonio histórico da Costa da Morte artellara esta pasada fin de semana unhas Xornadas Culturais específicas. O Seminario de Estudos Comarcais da Costa da Morte SEMESCOM organizada II Xornadas sobre a figura do crego liberal don Juan Antonio Posse (1766-1854), co gallo do Bicentenario da Constitución de 1812 e do seu discurso favorable naqueles tempos convulsos, que de feito lle valeron unha dura persecución do rei Felipe VII. As charlas e as visitas guiadas foron as protagonistas.
Doble sesión de charlas
![Lema Suarez e o alcalde de Vimianzo presentando as Xornadas co crego Posse-Foto-Semescom Lema Suarez e o alcalde de Vimianzo presentando as Xornadas co crego Posse-Foto-Semescom](/media/quepasanacosta/images/2012/11/26/Lema-Suarez-e-o-alcalde-de-Vimianzo-presentando-as-Xornadas-co-crego-Posse-Foto-Semescom.jpg)
Numerosos especialistas en materia histórica pasaron polo estrado da Casa da Cultura de Vimianzo, deixando notar que as súas ideas serían aínda a día de hoxe modernas. Unhas conferencias moi traballadas, que dan conta da incidencia da entidade en toda Galicia. Posse, natural de Laxe, xa era un visionario na súa época e a súa postura máis que liberal foi unha excepción no clero absolutista de entón.
Foi o propio presidente da entidade Xosé María Lema Suárez, colaborador de QPC, o que abríu as xornadas dando conta da súa contemporaneidade. Lema Suárez lembrou o descubrimento hai apenas 20 anos dun escrito no que o crego criticaba que se lle daba demasiada man aos monarcas.
A mestra da USC Alba Nogueira López analizou pormenorizamente a posicion de Posse sobre a Constitución aprobada nas Cortes de Cádiz. E Ana Mª Romero Masiá pechou a xornada do venres repasando esa visión galeguista e ata vangardista, do laxense. Romero sinalou que pode ser considerado como un "prerrexionalista", loitando por unha Galicia que vivía "esclava" dos poderes fácticos de entón, como eran o clero, a nobleza e a monarquía.
Foi outro colaborador de QPC, Víctor Castiñeira, o que abriu a xornada sabatina meténdonos en circunstancias, falando de como era a vida cotiá naqueles tempos. Castiñeira levou aos asistentes por un viaxe de cambios dende o feudalismo á nova revolución francesa, que chegaba, tardía, ao rural galego.
![Victor Castineira con Manuel Vilar nas Xornadas do Crego Posse-Foto- Semescom Viítor Castiñeira con Manuel Vilar nas Xornadas do Crego Posse-Foto- Semescom](/media/quepasanacosta/images/2012/11/26/Victor-Castineira-con-Manuel-Vilar-nas-Xornadas-do-Crego-Posse-Foto-Semescom.jpg)
A súa intervención deixou paso a Xosé Mª Méndez Doménech, que falou da relación familiar dos Doménech con Cataluña e a pesca. E foi Ramón Mariño Paz, o que contemporizou a obra de Pose no contexto sociolingüístico da época, destacando que era galegofalante ata marchar a León.
Visitas guiadas
![As Xornadas do crego Posse Na eira da Casa de Mariana - Foto- Semescom As Xornadas do crego Posse Na eira da Casa de Mariana - Foto- Semescom](/media/quepasanacosta/images/2012/11/26/As-Xornadas-do-crego-Posse-Na-eira-da-Casa-de-Mariana-Foto-Semescom.jpg)
As Xornadas remataron a tarde do sábado con varias visitas guiadas polo propio Lema Suárez. Ademais da casa natal de Posse, a Casa de Mariana, en Soesto, ademais da pequena igrexa da vila, onde se baituzou e creceu.
![As xornadas do crego Posse Na igrexa de Soesto-Foto- Semescom As xornadas do crego Posse Na igrexa de Soesto-Foto- Semescom](/media/quepasanacosta/images/2012/11/26/As-xornadas-do-crego-Posse-Na-igrexa-de-Soesto-Foto-Semescom.jpg)
Novas relacionadas
- Lema Suárez: Bicentenario da Constitución de Cádiz: actitudes opostas de dous cregos da Costa da Morte en 1812.
- Víctor Castiñeira: Movementos migratorios na Costa (1700- 1860) (VII): Os cataláns, a sardiña e o comercio peninsular.
- A SEMESCOM lembra ao crego liberal Juan Antonio Posse no Bicententario das Cortes de Cádiz.