Xa comeza o arrecendo a entroido pola volta. E despois dunha boa cea en familia, por Buño xa andan preparando un dos enterros máis auténticos do Entroido da Costa da Morte: A Mikaela.

Impresionante foi a cita do ano pasado, e do anterior, e de todos os Vía Crucis de bares que protagoniza esta fantástica cacharela andante.

O caso é que este curso, debido ao volume de xente que vén á Mikaela cada ano, Os Amijos da Mikaela teñen que poñer algunha norma, e avisan que todas as carrozas e vehículos que participen no desfile, terán que presentar un responsable, por motivos evidentes de seguridade.

En todo caso, seguro que a festa non decae, e non, comprobádeo neste pedazo vídeo do ano pasado de Criss Becerra para a Asociación Os Amijos da Mikaela:

Novas relacionadas

• 2015: Unha gran cea para invitar á Mikaela ao Entroido 2015.
• 2015: Comeza o arrecendo a entroido polo Pindo e Fisterra.
• Entroido 2014: Unha de enterros para o End-troido.
• Entroido 2013: O Entroido costeiro viviu unha completa traca final ca Mikaela.
• Entroido 2012: A Mikaela peregrinou por todas as tabernas de Buño.
• Entroido 2011: A Mikaela, un Vía Crucis de bares.
• A historia de Caietano.
• Laxe 2009: O pobo de Laxe enterra ao Cayetano .

Fonte

• Redacción de QPC (info@quepasanacosta.gal).