Venres. 29.03.2024
El tiempo

Unha de enterros para o End-troido

Unha de enterros para o End-troido
ENDtroido QPC

Unha de enterros na Costa da Morte para poñer o END-troido, como bromean os compañeiros de Hermanager Humor.

E se mañá traeremos o resumo completo do gran entroido de Cee, todo un éxito no sábado de Piñata, imos repasando as últimas citas do Entroido na Costa da Morte. I é que tras unha primeira fin de semana pasando polo desembarco pirata de Vimianzo, pola tremenda inventiva de Carballo, polas comparsas de Muros, polas risas de Dumbría e como non, polo puro teatro Fisterra, hoxe repasamos as citas fúnebres do entroido costeiro, que son toda unha auténtica tradición dos na Costa da Morte.


Malpica, capital do Enterro


Ambientazo na Mikaela de Buno Mikaela de Buno

E se temos persoeiros de todo calado, non podemos comezar con outra que non sexa a Mikaela de Buño, i é que Malpica é a capital do Enterro do Entroido na Costa da Morte. Ademais da Mikaela, a fin de semana estivo protagonizada polo Farruco de Seaia, o Faustino de Malpica, e polos os Madamitos e Ghuadineiros de Cerqueda, verdadeira tradición que as asociacións seguen mantendo viva.

Pero é que a Mikaela é moito. Probablemente sexa unha das maiores festas da xuventude de todo Bergantiños, e xa conta con máis de 25 anos de "matanza", e segue ano tras ano enchendo a pequena vila de Buño de centos e centos de mozos con gañas de troula. E menudos disfraces que arman as xentes da volta, cunha imaxinación tenaz, que serve para acompañar ao auténtico Vía Crucis de bares que ten que sufrir á Mikaela antes da queima.

Este curso, disfrazada de Garda Civil cun escote de primeira, foi unha auténtica sensación, como bén contou o cura laico, o "padre Añón", durante o pregón.

Unha das carrozas na Mikaela-Foto-Mary Luz Pierdomenico O Faustino de Malpica antes da queima-Foto-Fran Varela Saleta Madamitos e Ghuadineros de Cerqueda 2014-Foto-Marcos Costa

Por Laxe, o alcalde Cayetano

Levan poucos anos recuperando a súa lenda, dende o 2009, pero a súa historia dá para moito. O venres tocaba en Laxe a despedida do Cayetano, que tras unha semana de alcalde, falecía por mor dos excesos. Unha semana antes, o alcalde cedera o bastón de mando ao Cayetano, o borracho da vila que posto como alcalde polo pobo.

Divertídisima a comisión das viuvas, a procesión fúnebre por todo Laxe e a queima na praia do Cayetano, toda unha festa.

Unha de Muros

Foi o mércores cando o pobo de Muros despedía a Don Facundo, un deses persoeiros coñecido por ser un “gran vividor-bebedor", e que as mulleres da vila botarán de menos.

Facundo de Muros-Foto-Maria Maneiro

De Percebes en Muxía

Enterro do Percebe en Muxia-Foto-Albergue Bela Muxia

E moi simpática a proposta dende Muxía de facer o Enterro do Percebe da Barca, que este ano chegaba á súa segunda edición, e que vai collendo sona.

Entroidos 2014

Máis novas

Novas relacionadas

Fonte

Comentarios