Bastards e Agoraphobia súmanse ao Nordestazo
20:12 11/05/16
Bastards e Agoraphobia unense a Marky Ramone’s Blitzkrieg e Heredeiros da Crus no cartel do Nordestazo 2016
Bastards e Agoraphobia son as novas bandas rockeiras que se incorporan ao cartel do Nordestazo 2016; dúas bandas galegas que encarnan perfectamente o espíritu cañeiro e divertido da cita que terá lugar o 30 de xullo en Malpica de Bergantiños.
Bastards é unha fusión entre o mellor do punk rock e as raíces folk deste poderosísimo xesteto. A banda publicou ata a datacatro EPs y dous longos, que se traducen en enérxicos directos cos que percorreron o longo e o ancho de Europa en inmurables xiras, incluíndo unha exitosa xira conxunta coas lendas do punk británico GBH e a súa participación en festivais da talla do "Rebellion Festival", o Berlín Punk Rock Festival ou o Resurrection Fest en tres ocasións.
No 2015 volveron á súa faceta musical favorita, musicalmente falando. O que significa máis punk rock e máis Ol! nas composicións, un nome máis corto e potente - abandoando o anterior Bastards on Parade - así como a participación dos artistas Tokyo Hiro de California e Pérez desde Viveiro, nos deseños da banda. Cun novo traballo debaixo do brazo, Bastards chegan ao Nordestazo dispostos a non deixar a ningúen indiferente.
Agoraphobia son a banda feminina de referencia no panorama rock galego - e máis alá -. O quinteto conta cunha traxectoria meteórica na que destacan fitos como gañar no 2013 o "Vodafone Music Talent". No 2014 xiraron por todo o territorio nacional con artistas como Delorean, Lori Meyers, The Zombie Kids ou Russian Red. O 2015 foi o ano no que participaron no South by Southwest - SXSW - Texas; a feira musical onde se dan cita as novas bandas más relevantes de todo o mundo. Con"Ready to Play" - o seu segundo traballo - acadaron o respaldo da crítica e do público grazas á súa base altamente explosiva e a presión sobre o escenario cunhas poderosas e contundentes guitarras.
Bastards e Agoraphobia únense así a Marky Ramone’s Blitzkrieg e Heredeiros da Crus, completando un cartel que segundo sinala a organización "depara máis sorpresas".
Novas relacionadas
- O Nordestazo Rock convoca cun concurso de bandas noveis
- Os Herdeiros da Crus manteñen o Nordestazo en Primeira.
- Novidades para o repóker de Festivais do verán costeiro.
- Santi Romay: “O Nordestazo Rock trae a moita xente a descubrir Malpica”.
- Nordestazo 2015: O Nordestazo Rock pode coas adversidades.
- Nordestazo 2014: Los Enemigos volveron encher de míticos o Nordestazo Rock de Malpica.
- Nordestazo 2013: Moito máis que un sábado de percebes e rockandroll.
- Nordestazo 2012: O Nordestazo xa é de Primeira División.
- Nordestazo 2010: O Nordestazou fixo tremer o porto de Malpica .
Fonte
- Redacción de QPC ([email protected]).