Saben que para o ano que vén será necesario ter o curso de Monitor de Fútbol Base para adestrar ás categorías inferiores. E xa van varios cursos pero a resposta é pequena. Apenas 16 adestradores están participando cno urso de monitor de fútbol base que imparte a Escola Galega de Adestradores en Malpica, e que se preentaba a semana pasada.

Na xuntanza estiveron, por parte do Concello de Malpica, o alcalde, Eduardo Parga; o tenente de alcalde, Miguel Fernández, e o técnico de Deportes, Pablo Lista. Asistiron tamén Manuel Mosquera, director da Escola Galega de Adestradores, e Manuel Corredoira, encargado de impartir o curso de monitor de fútbol base.

E Manuel Mosquera lembrou que a partir de setembro será obrigatorio dispoñer desta titulación para adestrar equipos de base. Pola súa banda, Manuel Corredoira destacou a importancia de que os nenos e nenas sexan atendidos por profesionais ben formados.

Novas relacionadas

• Santa Comba será a sede dun novo curso de Adestradores.
• Un adestrador de ouro no Fútbol da Costa.

Máis artigos de Corredoira

• A Pipa de Corredoira: A por outra fornada de adestradores diplomados.
• A Pipa de Corredoira: 30 novos adestradores diplomados na Costa.
• A Pipa de Corredoira: Cursos de adestrador para o Fútbol da Costa.

Fonte

• Redacción de QPC (info@quepasanacosta.gal).