Este mércores tivo lugar no paseo da praia de Malpica a presentación da XIV Travesía Sisargas de Malpica.

A competición, que se celebrará o próximo 11 de agosto, ofrecerá dúas distancias. A primeira, de 4 km, transcorre desde as Illas Sisargas ata a praia de Malpica, coa participación de 130 nadadores. A segunda, de 1,5 km, comezará e rematará na mesma praia Area Maior, con 70 deportistas poñendo a proba a súa resistencia e habilidades. 

Con estas probas, a Travesía Sisargas de Malpica busca consolidarse como un dos eventos destacados do calendario deportivo de verán en Galicia.