domingo. 16.02.2025
El tiempo

Rematadas as obras de seguridade do porto de Malpica

Rematadas as obras de seguridade do porto de Malpica
VISITA DURAN 21 XULLO - 3

O concelleiro Miguel Fernández e o patrón maior, Pedro Pérez, acompañaban esta mañá ao Presidente de Portos de Galicia, José Juan Durán, na súa visita ás obras realizadas polo seu departamento para mellorar os servizos aos usuarios do porto malpicán, entre elas a reconstrución do noiro da Atalaia e a urbanización do espazo ocupado pola antiga lonxa. O investimento realizado, que ascende a preto de 700.000 euros, garante a estabilidade e a seguridade do muro e permite mellorar de maneira substancial o acceso ás instalacións para camións e tráilers, dando así resposta a unha vella demanda do sector que fora trasladada a Portos polo alcalde.

Ademais de gañar en operatividade, o terreo gañado permitiu crear unha nova área de aparcamento e lecer, harmonizando o espazo resultante coas actuacións realizadas no porto de Malpica nos últimos anos.

As obras incluíron tamén a instalación de 15 vigas galvanizadas para as defensas de rosario (ringleiras de rodas que se colocan adosadas ao muro para protexer as embarcacións de posibles danos) e a construción de dous pantaláns para embarcacións menores, aos que se accede por unha pasarela articulada de estrutura de aluminio e piso de madeira. Esta pasarela dá acceso a un pantalán adosado ao peirao de 12 metros de longo por 3 de ancho que, á súa vez, conecta con outro transversal de 29,5 x 2,5 metros. Estas dúas estruturas están realizadas con perfís principais de aluminio e piso de madeira, e contan cun sistema de flotadores que garante a súa estabilidade con mareas vivas.

Novas relacionadas

Fonte

  • Concello de Malpica.

Comentarios