Corme celebrou os 25 anos da Festa do Percebe do Roncudo

Corme celebrou os 25 anos da Festa do Percebe do Roncudo

11:31 17/07/17

Preparando os tesouros gastronomicos para a Festa do Percebe do Roncudo de Corme 2017-Foto-Jose Maria Suarez

Segue a ser unha das festas máis potentes da bisbarra. E non só falamos de gastronomía, senón tamén de troula. A Festa do Percebe do Roncudo cumpría o pasado sábado 15 de xullo 25 anos, e facíao cunha combinación perfecta para uns, pero excesiva para outros. Os máis vellos lembran aquela festa gastronómica tradicional con nostalxia. Os máis novos disfrutan dos mellores percebes do mundo ao mesmo tempo que dunha das festas da xuventude máis promiscuas da bisbarra.

Dende ben cedo as rúas énchense de cuadrillas coas súas camisetas, e pouco a pouco a música vai invadindo o peirao cormelán. Máis de 40 persoas traballaron arreo dende ben cedo pola mañá para ter ducias de potas de cachelos e nada menos que uns 700 kg do marisco rei, que este ano traía un tamaño para fardar. Son precisamente esas potas, e eses cociñeir@s, os grandes protagonistas da festa, xunto cos brav@s percebeir@s que se xogan a vida cada día nas nosas rochas.

https://www.facebook.com/festa.dopercebecorme/videos/881993685286026/

Era o deputado do PP Aurelio Núñez o que abría as festas co pregón. As carpas comezaban a encherse a ritmo da charanga e dos percebes. E a partir de aí, turno para a troula.