Gran expectación para a Mesa-debate sobre a contaminación orgánica no mar
A contaminación que sofre o Pindo pola falta de saneamento estará presente na mesa-Foto-Quino Pais
Recoñecía o catedrático Manuel Soto en QPC que “aínda hai moitos vertidos que non se tratan”, que só se cumpre a normativa nun 55%, que o sector agro-gandeiro aínda ten moito que mellorar en materia de depuración de augas… Son claves tremendamente interesantes que se debaterán este sábado 27 de xaneiro na Fundación Eduardo Pondal (O Couto, Ponteceso) a partir das 17:00h na mesa “Ética e contaminación orgánica do mar”, que organiza a asociación Mar de Fábula, coa colaboración de QPC.
Está confirmada a presencia de 7 representantes municipais (entre alcaldes e concelleiros), varias representantes das Agrupacións de Mariscadoras de Noia, Muros, Corcubión, Camariñas e O Anllóns; representantes do Consello Regulador do Mexillón de Galicia, do Colexio Oficial de Biólogos de Galicia, e dalgunhas asociacións da bisbarra. Non poderán estar os veciños do Pindo por motivos familiares, pero a súa concreta problemática co saneamento da vila estará presente na mesa a través do seu moderador, Ubaldo Cerqueiro de QPC.
Quedará pequena a lareira da FEP para tratar asuntos tan importantes como a posible eutrofización, os vertidos dos cruceiros, as causas, os culpables e as consencuancias de seguir vertendo augas sen depurar nas nosas rías, e os posibles pasos adiantes que poder
Os encargados de intentar de dar resposta a estas temáticas chegan de diferentes edios. Primeiro falará a química Mariví Areas, que como membro de Mar de Fábula nos porá en contexto. De seguido o catedrático Manuel Soto dará a súa visión das problemáticas. De seguido teremos a visión técnica de Marcos Tostado, de Augas de Corcubión, como Xefe de Planta da EDAR de Cee. E por último tratará de poñer argumentos institucionais José Molares, Subdirector do Intecmar.
Será unha cita aberta ao público para sacar do silencio un dos problemas máis graves que afronta o noso medio mariño.
Novas relacionadas
- Unha mesa de especialistas para reflexionar eticamente sobre a Contaminación orgánica do mar
- A contaminación orgánica do mar.
- I Encontro do Lixo Mariño: “Antes os bichos raros eramos os que non tirábamos lixo ao mar. Agora os bichos raros son os que contaminan”.
- O Pindo sae á rúa esixindo unha solución ao saneamento
Outros artigos de Xosé Manuel Barro
- A contaminación orgánica do mar.
- Que ocorre cando tiras da cadea nun cruceiro?.
- Afloramento de algas mariñas. Canarias vs Galicia.
- A modo de brincadeira (ou non…).
- Declaración do Couto. A Limpeza do Mar.
- Indo á raíz dos problemas:
- Escala de cruceiros no porto de Brens. Que facer?.
- Porque fumos limpar a Punta Caghada.
- Evaristo e o Corredor de Fisterra.
- Unha verdade incómoda.
Novas de Mar de Fábula
- Sementando nos nosos pequenos unha mensaxe de sensibilidade, respecto e amor pola nosa natureza.
- “Se depositamos os bastonciños nunha papeleira, evitamos que chegue ao mar un dos dez primeiros contaminantes”
- Campaña “A túa casa non queda tan lonxe do mar”: Pequenos cambios, grandes resultados.
- As criaturas caóticas de Mar de Fábula chegan á praia de Ariño
- Mar de Fábula recolle 560 bastonciños de algodón en cen metros de praia
- O impacto ambiental dos bastóns de algodón
- Redacción QPC (info@quepasanacosta.com)
